सोशल मीडियाच्या माध्यमातून आपण प्राण्यांचे अनेक मजेशीर व्हिडीओ पाहत असतो. याममध्ये कुत्रा, मांजर अशा पाळीव प्राण्यांचा सर्वाधिक समावेश असतो. हे प्राणी आपल्या मालकांवर खूप जीव लावतात, जे पाहून आपणही या प्राण्यांचं मनापासून कौतुक करत असतो. सध्या अशाच एका मांजरीचा एक भन्नाट व्हिडीओ सोशल मीडियावर व्हायरल होत आहे. जो पाहून अनेकांनी या मांजरीला खूप सुंदर आणि गोंडस असल्याचं म्हटलं आहे.
महत्वाची बाब म्हणजे या मांजरीने चक्क नमाज पठण करणाऱ्या इमामाच्या अंगावर उडी घेतली असून त्यानंतर या मांजरीने जे काय केलं ते तुम्हीच व्हिडीओत पाहा. खरं तर प्राण्यांवर प्रेम न करणारा माणूस शोधून सापडणार नाही असं म्हटलं जातं. अनेक लोकांना कुत्रे आणि मांजर आवडतात म्हणूनच ते त्यांना आपल्या घरात पाळतात. शिवाय हे प्राणी कधी कधी एखादी अशी कृती करतात जी मोठ्या प्रमाणात व्हायरल होते.
सध्या असाच एक हृदयस्पर्शी व्हिडिओने सोशल मीडियावर अक्षरश: धुमाकूळ घातला आहे. ज्यामध्ये रमजानची नमाज पठण करणाऱ्या इमामवर एका मांजरीने कशी उडी मारली आणि इमामने पुढे जे काही ते पाहण्यासारखं आहे. @BinImad नावाच्या ट्विटर अकाऊंटवरुन शेअर करण्यात आलेल्या या व्हिडीओमध्ये, इमाम रमजानची नमाज पठण करत असल्याचं दिसत आहे. याचवेळी एक मांजर त्यांच्यावर उडी मारते. सुरुवातीला ही मांजर इमामाच्या हातावर जाते तेतून तोंडापर्यंत जाते आणि आणि त्यांच्या अंगावर फिरते यावेळी इमामदेखील मांजर पडू नये याची काळजी घेत असल्याचं व्हिडीओत दिसत आहे. दरम्यान, नमाज सुरु असतानाच मांजर खाली उडी मारते आणि निघून जाते.
२८ सेकंदांच्या या व्हिडीओ सध्या सोशल मीडियावर मोठ्या प्रमाणात व्हायरल होत असून तो आतापर्यंत जवळपास ९ लाखांहून अधिक लोकांनी पाहिला आहे. अनेक नेटकऱ्यांनी या व्हिडीओवर वेगवेगळ्या प्रतिक्रिया दिल्या आहेत. अनेकांनी हा व्हिडीओ खूप सुंदर असल्याचं म्हटलं आहे. तर आणखी एकाने एकाचवेळी खूप मजेशीर आणि गोड असा क्षण असल्याचंही म्हटलं आहे. तर एका नेटकऱ्याने या व्हिडिओ हृदयस्पर्शी असल्याचं म्हटलं आहे.
