Cat Viral video wearing gulabi saree:सोशल मीडियावर व्हायरल होणारे व्हिडीओ अनेकदा चर्चेत असतात. पण, यातले काही व्हिडीओ खास करून लक्षात राहतात. असं म्हणतात, माणसांचं आणि प्राण्यांचं नातं खूप अनोखं असतं, म्हणून काही लोकं प्राण्यांचं पालकत्व स्वीकारतात.
अनेक जण मांजर, श्वान अशा पाळीव प्राण्यांचं संगोपन करतात. अगदी पोटच्या मुलासारखी त्यांची काळजी घेतात, त्यांना हवं-नको ते बघतात. त्यांचे वाढदिवस साजरे करण्यापासून ते त्यांच्या आवडी-निवडी जोपासण्यापर्यंत सगळं अगदी आनंदाने करतात.
हेही वाचा… हद्दच झाली! कारवर चढली महिला अन् झालं असं काही की…, VIDEO पाहून बसेल धक्का
सोशल मीडियावर अशा अनेक प्राण्यांचे व्हिडीओ व्हायरल होताना आपण अनेकदा पाहतो. आता असाच एक व्हिडीओ सोशल मीडियावर मोठ्या प्रमाणात व्हायरल होतोय, या व्हिडीओमध्ये एका मांजरीने चक्क साडी नेसली आहे.
व्हायरल व्हिडीओ (Viral Video)
व्हायरल झालेल्या या व्हिडीओमध्ये एक माणूस मांजरीला नटवताना दिसतोय. सुरुवातीला तो माणूस मांजरीला गुलाबी साडी नेसवताना दिसतोय. नंतर कमरपट्टा, गळ्यात नेकलेस घालून त्या मांजरीला अगदी गोंडस रूप दिलं आहे. हा व्हिडीओ plowythecat या इन्स्टाग्राम अकाउंटवरून शेअर करण्यात आला आहे. ‘कोई इतना खुबसूरत’ हे गाणं मनीमाऊच्या या क्यूट रीलमध्ये जोडलं आहे.
युजर्सच्या कमेंट्स (Users Comment)
मनीमाऊचा हा गोंडस व्हिडीओ सोशल मीडियावर व्हायरल झाल्यानंतर अनेकांनी यावर प्रतिक्रिया दिल्या आहेत. एकाने कमेंट करत लिहिलं, “इन्स्टाग्रामवरील सर्वात सुंदर मुलगी”, तर दुसऱ्याने लिहिलं, “कृपया तिला बिंदीपण लावा.” तर एकाने “किती क्यूट दिसतेय ही” अशी कमेंट केली.
हेही वाचा… रील्ससाठी कायपण! कचऱ्याच्या ढिगाऱ्यात तरुणीने केला डान्स, VIDEOतून पाहा किळसवाणा प्रकार
दरम्यान, व्हायरल झालेल्या या व्हिडीओला तब्बल ९.५ मिलियन व्ह्यूज आले आहेत, तर ३ लाख ६६ हजार लोकांनी हा व्हिडीओ लाईक केला आहे. याआधीही या मनीमाऊने शर्ट, ड्रेस आणि लेहेंगा चोळीदेखील परिधान केली आहे. या मांजरीचं नाव plowy असून ती अनेक जाहिरातींमध्ये झळकली आहे.
