बॉस आणि कर्मचारी हे असे नातं हे दोघांसाठी महत्त्वाचे असते. कर्मचाऱ्याला आपले कौशल्य आणि पात्रता सिद्ध करण्याची संधी बॉस देत असतो. पगाराशिवाय बॉसचा विश्वास संपादन करणे हे प्रत्येक कर्मचाऱ्यासाठी महत्त्वाचे असते. बॉससाठी कर्मचारी देखील अत्यंत महत्त्वाचा असतो. कर्मचारी विश्वासू आणि मेहनती असतील तर बॉस आपली कंपनीला यशस्वी करू शकतो. विश्वासू कर्मचाऱ्यांच्या जोरावरच बॉस आपल्या कंपनीचे ध्येय पूर्ण करू शकतो. असे असूनही बॉस आणि कर्मचाऱ्यांच्या नात्यात अनेकदा तणाव दिसून येतो.बॉस कर्मचाऱ्यांमध्ये कधी पगारासाठी तर कधी सुट्ट्यांसाठी बऱ्याचदा वाद होत असतात. सोशल मीडियावर अनेकदा अशा संवादाचे फोटो समोर आले आहेत. सध्या अशाच एका कंपनीचे सीईओ आणि त्याचा कर्मचारी यांच्यामध्ये सुट्टीबाबत झालेला संवाद सोशल मीडियावर व्हायरल झाला आहे. या फोटोनंतर रजे संबधीत धोरणांबाबत मनोरंजक चर्चेला सुरुवात झाली आहे. अनस्टॉपचे संस्थापक आणि सीईओ (founder and CEO of Unstop) अंकित अग्रवाल यांनी लिंक्डइनवरील कर्मचार्‍यासोबत केलेल्या चॅटचा स्क्रीनशॉट शेअर केला. पोस्टला कॅप्शन देत त्यांनी लिहिले की, 'हे आज सकाळी माझ्या व्हॉट्सअॅपवर आले'. "लेट नाईट पार्टी करायची असल्याने कर्मचाऱ्याने रजेसाठी अर्ज केल्याचे या संवादामधून दिसून येते. हेही वाचा - राम मंदिर प्राणप्रतिष्ठा सोहळ्याचं आमंत्रण घेऊन घरोघरी पोहचले राम भक्त! जाणून घ्या आमंत्रण पत्रिकेमध्ये काय लिहिले आहे? अंकित अग्रवालने स्क्रीनशॉट शेअर केला आणि लिहिले, "कर्मचारी सुट्टीसाठी विचारत आहे कारण पार्टीनंतर अजूनही सुरू आहे. टीममधील हा मोकळेपणा महत्त्वाचा आहे जेणेकरून तुम्ही तुमच्या टीमवर विश्वास ठेवू शकाल आणि तुम्ही त्यांना साथ द्याल याची त्यांना खात्री असेल. " चॅटच्या स्क्रीनशॉट्समध्ये कर्मचारी रात्री उशिरा पार्टी करण्यासाठी सुट्टी मागत विचारत असल्याचे दिसून आले, ज्याला सीईओने लगेच होकार दिला. अंकित अग्रवाल यांनी पोस्टमध्ये पुढे लिहिले, "जेव्हा सहकाऱ्यांना एकमेकांशी मोकळेपणाने आणि प्रामाणिक राहण्यात सोयीस्कर वाटते तेव्हा ते विश्वासाचा पाया तयार करते ज्यामुळे उत्तम संवाद, सहयोग आणि एकूण यश मिळू शकते." हेही वाचा - अंतराळात एकाच दिवसात १६ वेळा नववर्षाचे स्वागत करू शकतात अंतराळवीर; नासाने उलघडले रहस्य कर्मचाऱ्याने बॉसला मागितली पार्टी करण्यासाठी सुट्टी सीईओच्या या प्रतिसादाचे अनेक सोशल मीडिया वापरकर्त्यांनी कौतुक केले. पोस्टवर कमेंट करताना एका यूजरने लिहिले की, "मला आज हेच वाचण्याची गरज होती. माझ्या मागील कामाच्या अनुभवात, अशी काही उदाहरणे आहेत. जिथे माझी टीम आणि मी प्रामाणिक होतो आणि आमच्या व्यवस्थापकाला आम्हाला सुट्टी का हवी आहे याची योग्य कारणे दिली -ती शनिवार व रविवारची सुट्टी असू शकते, विवाहसोहळ्यांना उपस्थित राहण्यासाठी किंवा फक्त "आम्ही मानसिकदृष्ट्या थकलो आहोत, आम्हाला एक आवश्यक आहे. काहीही न करण्याचा दिवस" म्हणून. आमच्या कुटुंबातील कोणीतरी हॉस्पिटलमध्ये दाखल झाल्याशिवाय किंवा मरण पावल्याशिवाय आम्हाला एक दिवस सुट्टी घेण्याची परवानगी नव्हती! आपण सर्वांनी खूप काही गमावले आहे" दुसऱ्याने लिहिले की,"हाच खरा टीम लीडर आहे"
