Chandrayaan-3 Moon landing: चांद्रयान -३ मोहिमेच्या यशामुळे आता २३ ऑगस्ट २०२३ हा दिवस भारतीय इतिहासात सुवर्ण अक्षरांनी लिहिला जाईल. इस्रोचे चांद्रयान-३ चंद्राच्या पृष्ठभागावर यशस्वीरित्या उतरण्यात यशस्वी झाले. यामुळे भारत आता चंद्राच्या दक्षिण ध्रुवावर पोहोचणारा जगातील पहिला देश ठरला आहे. इस्रोच्या या यशस्वी कामगिरीमुळे भारतीयांचा आनंद गगणात मावेनासा झाला. अनेक ठिकाणी चांद्रयान-३ मोहिमेचे मोठ्या स्क्रीनवर थेट प्रक्षेपण दाखवण्यात आले. आपल्या भारताच्या ऐतिहासिक सोहळ्याचे साक्षीदार म्हणून मुंबईतील अंधेरी स्थानकावरही प्रवाशांची तोबा गर्दी झाली होती. यावेळी प्रवाशांनी मोठमोठ्याने घोषणा देत संपूर्ण स्टेशन परिसर दणाणून सोडला. याचा एक व्हिडीओ सध्या सोशल मीडियावर व्हायरल होत आहे. यात मुंबईकरांनी चांद्रयान-३ चे लँडिंग होताच केलेल्या घोषणा ऐकून तुमच्या अंगावर काटे उभे राहतील.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
