पुण्यात शिवजयंती म्हणजे विषय हार्ड; पुणेकरांनाही वाटेल अभिमान; शनिवार वाड्याबाहेरील VIDEO होतोय व्हायरल

फुलांची आकर्षक सजावट असलेला जिजाऊ मॅांसाहेब शहाजी महाराज शिवज्योत मुख्य स्वराज्यरथ, एकापाठोपाठ येणारे सरदारांचे, मावळ्यांचे, वीर मातांचे स्फुर्ती देणारे ९६ स्वराज्यरथ, महाराणी ताराराणी शौर्य पथकातील ५१ रणरागिणींच्या मर्दानी खेळांची चित्तथरारक मानवंदना, ५१ रणशिगांची ललकारी, नादब्रह्म ट्रस्ट ढोलताशा पथकाचा रणगजर, सनई-चौघडयांचे मंगलमय सूर, हजारोंच्या संख्येने पारंपरिक पोशाखात उपस्थित महिला आणि शिवभक्तांनी केलेला जय शिवाजी जय भवानीचा जयघोष अशा पवित्र वातावरणात शिवकाळ पुन:श्च एकदा पुण्यामध्ये अवतरला.

या व्हिडीओमध्ये तुम्ही पाहू शकता, शनिवार वाड्याच्या बाहेरील हा व्हिडीओ असून आज दिवसभरात १०० हून अधिक मिरवणुका निघणार आहेत. त्याचीच जंगी तयारी याठिकाणी पाहायला मिळत आहे.शिवजयंती महोत्सव समिती पुणे तर्फे शिवजयंती निमित्ताने खास आयोजन करण्यात आले. यावेळी सलग १४ व्या वर्षी हेलिकॉप्टरमधून पुष्पवृष्टी करण्यात आली.छत्रपती शिवाजी महाराज यांच्या जयंतीनिमित्त शहरात मिरवणुका, शिवपूजन, शिवसृष्टीच्या दुसर्‍या टप्प्याचे अनावरण, अशा भरगच्च कार्यक्रमांचे आयोजन करण्यात आले असून, त्यासाठी मुख्यमंत्री देवेंद्र फडणवीस, उपमुख्यमंत्री अजित पवार आणि उपमुख्यमंत्री एकनाथ शिंदे यांच्यासह खासदार उदयनराजे भोसले यांच्यासह अनेक मान्यवर पुण्यात येत आहेत.

पाहा व्हिडीओ

हा व्हिडीओ सोशल मीडियावर punerifeeds नावाच्या इन्स्टाग्राम अकाऊंटवरुन शेअर करण्यात आला आहे. यावेळी कॅप्शनमध्ये “पुण्यात शिवजयंती म्हणजे विषय हार्ड” असं लिहलं आहे.