Madhya Pradesh Viral News: मध्य प्रदेशमध्ये एक धक्कादायक घटना घडल्याने खळबळ उडाली आहे. घराच्या अंगणात सात वर्षांचा मुलगा खेळत असताना अचानक गायब झाला. ही घटना मध्य प्रदेशच्या दामोह येथे सोमवारी सायंकाळी घडली. ही धक्कादायक घटना सीसीटीव्ही कॅमेरात कैद झाली असून व्हिडीओ सोशल मीडियावर तुफान व्हायरल झाला आहे. सीसीटीव्ही फुटेज पाहिल्यानंतर घारतील अंगणात खेळणारा मुलगा विहीरीच्या कठड्यावर उभा असल्याचं निदर्शनात येतं. मुलगा खेळण्यात व्यस्त असल्याने त्याचा तोल जातो आणि तो विहीरीत पडतो, असं या व्हिडीओत दिसत आहे.
नेमकं काय घडलं?
पवन जैन यांच्या घरातील अंगणात दोन मुलं खेळत असतात. एक मुलगा विहीरीच्या कठड्याजवळ खेळत असतो. तर दुसरा मुलगा सायकल सवारी करत असतो. विहीरीचा कठड्याचा अंदाज न आल्याने एक मुलगा विहीरीत पडतो. हे पाहिल्यानंतर सायकल चालवणारा मुलगा तातडीनं विहीरीजवळ जातो आणि घरातील माणसांना आवाज देण्याचा प्रयत्न करतो. मुलगा विहीरीत पडल्यानंतर दुसऱ्या मुलाचा रडण्याचा आवाज त्यांना घरातील माणसांना ऐकू येतो. त्यानंतर सर्वजण घटनास्थळी येतात आणि मुलाला बाहेर काढतात.
इथे पाहा व्हिडीओ
त्यामुळे या अपघाता मुलाला कोणत्याही प्रकारची इजा झाली नाहीय. मिथिलेश यादव नावाच्या युजरने हा व्हिडीओ ट्विटरवर शेअर केला आहे. व्हिडीओ शेअर करत या युजरने कॅप्शनही दिलं आहे. घराच्या अंगणात खेळणारा मुलगा विहीरीत पडला. ही घटना सीसीटीव्ही कॅमेरात कैद झालीय, पाहा व्हिडीओ, असं कॅप्शनमध्ये म्हटलं आहे. हा थरारक व्हिडीओ पाहिल्यानंतर अनेक जण थक्क झाल्याशिवाय राहिले नसतील. कारण लहान मुलांना खेळताना दुर्लक्ष करणे त्यांच्या जीवावर बेतू शकतं, असं या व्हिडीओच्या माध्यमातून समोर आलं आहे.
