Viral Video : वाहतूक कोंडीतही महिलांना नृत्य करण्याचा मोह अनावर

वाहतूक कोंडी ही चिनची मोठी समस्या बनत चालली आहे. चीनमध्ये मोठ्या प्रमाणात वायू प्रदूषण आहे. वायू प्रदूषामुळे शहरात इतका धूर पसरतो की अनेकदा समोरचे अधुंक दिसू लागते. या धूरामुळे चीनमध्ये मोठी वाहतूक कोंडी झाली होती. गाड्यांच्या लांबलचक रांगा रस्त्यावर दूरदूरपर्यंत होत्या. ही कोंडी सुटण्याची वाट पाहण्याएवढा एकमेव पर्याय नागरिकांकडे होता पण अशाही परिस्थितीत संतप्त न होता चिनी महिलांनी कमालीचा संयम दाखवला. यातल्या काही महिलांनी रस्त्यावर उतरून नृत्य केले. अनेकांनी या महिलांना साथही दिली. एका प्रसिद्ध गाण्यावर महिलांनी ठेका धरला. याचा व्हिडिओ इंटरनेटवर व्हायरल झाला आहे. सोमवारी चीनच्या weibo या सोशल मीडियावर या व्हिडिओला खूपच प्रसिद्धी मिळाली. काही काळ का होईना लोकांनी वाहतूक कोंडीची समस्या विसरून मनमुराद या नृत्य कार्यक्रमाचा आनंद लुटला.