Chinese Zoo Pandas Painted dogs :प्राणीसंग्रहालय अशा जागा आहे जिथे पर्यटक वन्यप्राणी आणि पक्षी पाहण्यासाठी जातात. प्राणी संग्रहालयात अनेक प्राणी जेरबंद करून ठेवले जातात, त्यांना काय हवे नको त्याची काळजी घेतली जाते. लहान मुलं आणि पर्यटक दुर्मिळ प्राणी पाहण्यासाठी आवर्जून तिथे येतात. नव्या पिढीला प्राण्यांबाबत माहिती व्हावी हा देखील त्यामागचा एक उद्देश आहे. पण पांडा म्हणून जर कुत्रा दाखवला जात असेल तर ती पर्यटकांची दिशाभूल आहे. असाच काहीसा धक्कादायक प्रकार चिनीमधील प्राणीसंग्रलयात घडला आहे.
चीनमधील शानवेई प्राणीसंग्रहालयातील पर्यटकांना ‘पांडा’ प्रत्यक्षात म्हणून काळ्या-पांढऱ्या रंगवलेले कुत्रे दाखवण्यात आल्याचा धक्कादायक प्रकार समोर आला आहे.
व्हायरल व्हिडीओमध्ये काय आहे?
‘पांडासारखे रंगवलेल्या कुत्र्यांचा एक व्हिडिओ सोशल मीडियावर तुफान व्हायरल झाला आहे. व्हिडीओमध्ये एक कुंपणाच्या परिसरात खडकावर थकलेल्या अवस्थेत एक पांडासारखा काळ्या पांढर्‍या रंगाने रंगवलेला कुत्रा झोपलेला दिसत आहे. तर वाकडी शेपटी असलेला आणखी एक ‘ रंगवलेला पांडा’ बंदिस्त जेलमध्ये फेरफटका मारताना दिसत आहे.
येथे पाहा Video
अशी झाले पोलखोल
“जेव्हा हे पांडा सारखे रंगवलेले कुत्रे भुंकू लागले तेव्हा उपस्थित प्राणीप्रेमींना काहीतरी गडबड असल्याचे लक्षात आले.”,असे न्यूयॉर्क पोस्टने स्थानिक माध्यमांचा हवाला देत वृत्त दिले.
भांड फुटले तरी केला खोटा दावा शेवटी दिली कबुली
व्हिडिओ व्हायरल झाल्यानंतर, शानवेई प्राणीसंग्रहालयाने सुरुवातीला असा दावा केला होता की ते “पांडा कुत्र्यांची नवी प्रजाती आहे. पण शेवटी त्यांनी कबूल केले की, त्यांनी फक्त दोन चाऊ चाऊ पांडासारखे रंगवले होते . चाऊ चाऊ हा मूळतः उत्तर चीनमधील कुत्र्यांच्या जातीचा स्पिट्झ प्रकार आहे असे न्यूयॉर्क पोस्टने म्हटले आहे.
सत्य उघड झाल्यानंतर नाराज पर्यटकांनी शानवेई प्राणीसंग्रहालयाच्या अधिकाऱ्यांना त्यांचे पैसे परत करण्यास सांगितले आहे
