Viral : बुटात आढळला नाग, काठीने हलवताच चवताळला, पाहा हा थरारक व्हिडिओ

या सापाला बाहेर काढण्यासाठी एक व्यक्ती बुटाला काठीचे ठोके देतो. मात्र, त्यानंतर काही सेकंदातच नाग फणा काढून उभा होतो आणि बुटातच स्थिर उभा राहातो. अंगावर काटा आणणारे हे दृश्य कर्नाटकाच्या मैसूर येथील आहे. हा साप घरामध्ये एका बुटात लपलेला होता. सुदैवाने त्याच्यावर नजर पडल्याने मोठी हानी टळली.

घरातील व्यक्ती बुट घालणार होती, मात्र बुटात लपलेला साप पाहून त्याची भांबेरीच उडाली. त्यानंतर व्यक्तीने सर्प मित्राला बोलवले आणि त्याने नागाला बुटा बाहेर काढण्यासाठी प्रयत्न केले. व्यक्तीला वेळीच सापाबाबत कळाल्याने मोठी हानी टळली. व्हिडिओत साप फार चवताळलेला दिसत आहे. बुटाला हलवताच त्याने फटकन फणा काढला.

नाग हा सर्वात विषारी साप आहे. त्याने दंश केल्यास लवकरात लवकर रुग्णालय गाठले पाहिजे. सापाच्या दंशामुळे अनेक लोकांचा मृत्यू झालेला आहे. त्यामुळे त्यांच्याबाबत माहिती असणे गरजेचे आहे. घरात साप आढळल्यावर वेळ न दवडता सर्प मित्राला संपर्क केले पाहिजे. याने सापालाही नुकसान होणार नाही आणि तुमच्याही जिवाला धोका निर्माण होणार नाही.