मोदींच्या तीन समर्थकांपैकी एकजण दुसऱ्या दोघांइतकाच मूर्ख, काँग्रेसचं वादग्रस्त ट्विट

दिव्या स्पंदना काँग्रेस अध्यक्ष राहुल गांधी यांच्या निकटवर्तीय मानल्या जातात. त्यांनी नरेंद्र मोदींचा फोटो असणारं एक ट्विट केलं आहे. या फोटोमध्ये लिहिण्यात आलं आहे की, ‘तुम्हाला माहिती आहे का ? मोदींच्या तीन समर्थकांपैकी एकजण इतर दोघांइतकाच मूर्ख असतो’. यावेळी त्यांनी माझं फेव्हरेट…असंही लिहिलं आहे.

My favourite! Aren’t they adorable?  pic.twitter.com/YZ52s48Y9o

— Divya Spandana/Ramya (@divyaspandana) March 13, 2019

दिव्या स्पंदना यांच्या या ट्विटवर अनेक युजर्सनी टीका केली आहे. अभिनय क्षेत्रात अपयशी झालेले आयटी सेलचे प्रमुख आहेत असा टोला एका युजरने लगावला आहे. तर दुसऱ्या एका युजरने नरेंद्र मोदींच्या जागी राहुल गांधींचा फोटो वापरत राहुल गांधींचे सर्व चाहते त्यांच्याएवढेच मूर्ख आहेत अशी टीका केली.

दिव्या स्पंदना यांनी वादग्रस्त ट्विट करण्याची ही काही पहिलीच वेळ नाही. याआधी सप्टेंबर महिन्यात त्यांनी नरेंद्र मोदींचा चोर म्हणून उल्लेख केला होता. ज्यानंतर त्यांच्यावर देशद्रोहाचा गुन्हा दाखल कऱण्यात आला होता.