Couple Video Viral: असं म्हणतात, एखाद्या व्यक्तीवर आपलं प्रेम असलं की, ते मनमोकळेपणानं बोलून दाखवावं. त्याच्यासमोर मनातलं सगळं व्यक्त करावं. आजकाल गार्डनमध्ये, ट्रेनमध्ये, रस्त्यावर अशा सार्वजनिक ठिकाणीही कपल्स अगदी जगाची चिंता न करता आपलं प्रेम व्यक्त करू लागले आहेत.
प्रेम व्यक्त करण्यात काही चुकीचं नाही; पण आजूबाजूचं भान ठेवणंही तितकंच गरजेचं असतं. आपल्यामुळे दुसऱ्यांना त्रास होत नाही ना याची काळजी घेणं महत्त्वाचं असतं. पण, आजकाल तरुण-तरुणी कुठेही आपल्या मर्यादा ओलांडू लागले आहेत. कुठेही अश्लील कृत्य करू लागले आहेत. याचे अनेक व्हिडीओ सोशल मीडियावर व्हायरल होत असताना आपण पाहिलेच असतील. सध्या असाच एक व्हिडीओ सोशल मीडियावर व्हायरल होतोय; ज्यात चक्क आकाशपाळण्यात एक कपल किस करताना दिसतायत.
कपलचा व्हिडीओ व्हायरल (Couple Kissing Viral Video)
कपलचा व्हायरल होत असेलला हा व्हिडीओ पाहून तुम्हीदेखील कपाळावर हात माराल. व्हायरल व्हिडीओमध्ये तुम्ही पाहू शकता की, एक कपल जत्रेतील आकाशपाळण्यात बसलं आहे. आकाशपाळण्यात बसून दोघंही अश्लील चाळे करताना दिसतायत. आकाशपाळण्यातच एकमेकांना किस करताना दिसतायत. दोघांचा व्हिडीओ सोशल मीडियावर मोठ्या प्रमाणात व्हायरल होतोय. दरम्यान, ही घटना नेमकी कुठे घडलीय, हे अद्याप कळू शकले नाही.
सोशल मीडियावर व्हायरल झालेला व्हिडीओ @payal_r.77 या इन्स्टाग्राम अकाउंटवरून शेअर करण्यात आला असून या व्हिडीओला आकाशपाळण्याच्या तिकिटाचे पैसे वसुल करतोय अशी कॅप्शन देण्यात आली आहे. व्हिडीओ व्हायरल होताच याला तब्बल ३ मिलियन व्ह्यूज आले आहेत.
युजर्सच्या प्रतिक्रिया
सोशल मीडियावर व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “अशा लोकांना काय बोलावं?” तर दुसऱ्याने “जरातरी लाज बाळगा” अशी कमेंट केली. तर एकजण कमेंट करत म्हणाला “तुम्ही सार्वजनिक ठिकाणी लघवी करू शकता पण सार्वजनिक ठिकाणी किस करू शकत नाही? ढोंगी लोक” तर एकाने “अरे, आकाशपाळणा तरी सोडा” अशी कमेंट केली.
