पाणीपुरी किंवा गोलगप्पे नुसता विषय जरी काढला तरी काहींच्या तोंडाला पाणी सुटेल. असे फार कमी लोक असतील ज्याला पाणीपुरी आवडत नाही. त्यातून महिला वर्गाची तर ही सगळ्यात आवडती डिश. त्यामुळे इतर ठिकाणी तुम्हाला गर्दी दिसेल न दिसेल पण पाणीपुरीच्या ठेल्यावर मात्र तुम्हाला नक्कीच गर्दी दिसेल यात शंका नाही. पण कधी गायीला आणि तिच्या वासरला पाणीपुरी खाताना पाहिलेत का? नसेल पाहिले तर हा व्हिडिओ नक्कीच पाहा. सध्या सोशल मीडियावर गायींचा पाणीपुरी खातानाचा व्हिडिओ व्हायरल होत आहे.
VIRAL VIDEO: माकडाच्या पिल्लाला करायची होती चिमुकल्यासोबत गट्टी
वाचा : व्यायाम करताना मोबाईल फोन वापरणे धोक्याचे
कधी शेतात तर कधी माळरानावर तर कधी कधी रस्त्याच्या कडेला जे दिसेल ते खाण्याचे दुर्दैव गायींवर आले आहे. त्यातून रस्त्यांवर फेकलेल्या पॅस्टिकच्या पिशव्या खाऊन गायी, बैल मृत्यूमुखी पडल्याचीही अनेक उदाहरणे आहेत. आपल्याकडे एखादा सण असला की पंचपक्वान्नांचा प्रसाद आधी गायीला देण्याची प्रथा आहे. त्यामुळे भात, चपाती, भाजी खाताना तुम्ही गायीला पाहिले असेलच पण गायीला ठेल्यावर उभं राहून पाणीपुरी खाताना तुम्ही नक्कीच पाहिले नसेल. सध्या सोशल मीडियावर एक व्हिडिओ व्हायरल होत आहे. पाणीपुरीच्या ठेल्यावर गाय आणि तिचे वासरु चवीने पाणीपुरी खात आहे. युट्युब, फेसबुकमधल्या अनेक पेजवर हा व्हिडिओ व्हायरल होत आहे.
