Video : सर्तक रेल्वे पोलिसांमुळे तरूण अपघातातून थोडक्यात वाचला

धावती ट्रेन पकडण्याचा प्रयत्न करू नका, चालत्या ट्रेनमधून उतरू नका अशा सूचना वारंवार दिल्या जातात. या सूचनांकडे दुर्लक्ष करत आपला जीव धोक्यात घालून अनेक जण धावती ट्रेन पकडण्याचा प्रयत्न करतात. एक ट्रेन गेली की दुसरी ट्रेन येते, पण जीवाचं काही बरं वाईट झालं तर? पण आपल्याला घाईच इतकी असते की जीवापेक्षा ती ट्रेन पकडणं आपल्याला जास्त गरजेचं वाटतं. धावती ट्रेन पकडण्याच्या नादात कितीतरी अपघात झाले आहेत कोणाचे हात गेले कोणाचे पाय, तर कोणाचा जीव गेला. पण तरीही लोक आपला जीव धोक्यात घालतातच. मध्य रेल्वेच्या परेल रेल्वे स्टेशनवरही असाचा प्रकार घडला, धावती ट्रेन पकडण्याच्या नादात एक तरूण ट्रेनखाली येता येता वाचला.