Dance Video : विश्वचषक २०२३ च्या अंतिम सामन्यात भारत ऑस्ट्रेलियाविरुद्ध सर्वबाद झाला आणि त्यांना पराभवाला सामोरे जावे लागले. याच पार्श्वभूमीवर सोशल मीडियावर क्रिकेट संबंधीत अनेक व्हिडीओ शेअर केले जात आहे. काही जुने व्हिडीओ सुद्धा पुन्हा व्हायरल होत आहे. सध्या असाच एक व्हिडीओ पुन्हा चर्चेत आला आहे. या व्हिडीओमध्ये एक व्यक्ती चक्क क्रिकेट डान्स करताना दिसत आहे. तु्म्हाला वाटेल क्रिकेट डान्स म्हणजे नेमकं काय? त्यासाठी तुम्हाला हा व्हिडीओ पाहावा लागेल. हा व्हायरल व्हिडीओ एका घरगुती कार्यक्रमातील आहे. व्हिडीओमध्ये तुम्हाला दिसेल की एक व्यक्ती भन्नाट डान्स करताना दिसत आहे. डान्स करताना तो फलंदाजी आणि गोलंदाजी करतानाच्या डान्स स्टेप्स करताना दिसत आहे. पुढे तो डान्स करताना झेल पकडण्याची सुद्धा स्टेप करताना दिसतो. त्याचा हा अनोखा डान्स पाहून तुम्हाला वाटेल हा क्रिकेट डान्स आहे. सध्या या क्रिकेट डान्सची सगळीकडे चर्चा सुरू आहे. हेही वाचा : World Cup 2023 : विश्वचषक जिंकल्यानंतर विराट कोहलीने ग्लेन मॅक्सवेलचे अभिनंदन करत दिली ‘ही’ खास भेट themayankhardiya या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, "क्रिकेट डान्स"अनेक युजर्सनी या व्हिडीओवर प्रतिक्रिया दिल्या आहेत. एका युजरने लिहिलेय, "मी आजवर पाहिलेला सर्वात छान डान्स" तर एका युजरने लिहिलेय, "याला म्हणतात महान क्रिकेटर लव्हर" आणखी एका युजरने लिहिलेय, "भाऊ डान्स करत आहे की मॅच खेळत आहे" काही युजर्सनी या व्हिडीओवर हसण्याचे इमोजी शेअर केले आहेत.
