मुंबईत पावसाच्या पाण्यात सापडले ‘हे’ प्राणी

वाहत्या पाण्यामुळे अनेक जलचर थेट रस्त्यावर येत होते. मुसळधार पावसामुळे चक्क एक मगर विक्रोळी-जोगेश्वरी येथील लिंक रोडवर आली आणि लोकांमध्ये एकच धांदल उडाली. विक्रोळी-जोगेश्वरी लिंक रोडवर पवई तलावात मगर असल्याचं याआधी स्पष्ट झालंय. मध्यंतरी तलावात मगरींची संख्या वाढली असल्याचंही बोललं जात होतं.

याशिवाय परळच्या हिंदमाता इथे साचलेल्या पाण्यात एक मोठा मासा आढळून आला. आता हा मासा नेमका कुठून आला हे सांगता येत नसले तरीही पाणी ओसरल्यावर मासा दिसल्याने त्याच्याबाबत या भागात बरीच चर्चा सुरु होती. हिंदमाता हा सखल भाग असल्यामुळे पाऊस पडला की याठिकाणी जास्त पाणी साचते. पाणी साचल्यामुळे हा मार्ग वाहतुकीसाठी बंद करण्यात आला होता.