कावळ्याचा कारनामा! चक्क शेतकऱ्याचे अर्धे शेत टाकले उपटून; VIDEO वर युजर्स म्हणाले…

रानटी प्राण्यांपासून पिकाचा बचाव करण्याकरिता शेतकरी वेगवेगळे पर्याय करून पाहतात. पण, त्यानंतरही काही प्राणी-पक्षी या पर्यायांना न जुमानता पिकांची नासधूस करतात. सध्या सोशल मीडियावर व्हायरल होणाऱ्या एका व्हिडीओत कावळा चोचीने एका शेतातील एकेक रोपटे उपटून फेकून देतो. सलग लावलेली रोपे तो उपटून टाकतो. अशा प्रकारे त्याने अर्ध्या शेतातील पिकाची नासधूस केली. पण, तो असे का करतोय, असा प्रश्न अनेकांना पडला आहे. हा व्हिडीओ आता सोशल मीडियावर खूप व्हायरल होत आहे.

या व्हिडीओवर आता युजर्स वेगवेगळ्या भन्नाट कमेंट्स करीत आहेत. शेतात शेणखत टाकले असेल. त्यामुळे किडे खाण्यासाठी तो आला असेल, असे अनेकांनी म्हटले आहे. तर काहींनी तो पाण्याच्या शोधात इथे आला असेल आणि त्याला या रोपट्यांखाली पाणी सापडेल, असे वाटले असेल. तर तो बहुतांशी पोटाची खळगी भरण्यासाठी असे करीत असेल असे एकाने म्हटलेय. तर एकाने, बिचाऱ्या शेतकऱ्याचे कष्ट लक्षात घेऊन, असा व्हिडीओ करण्यापेक्षा त्या कावळ्याला हुसकावले पाहिजे होते, असे म्हटले आहे.