जगभरात सगळ्यात जास्त पाऊस कुठे पडत असेल, असा प्रश्न कधीतरी तुमच्या मनात आला असेलच. तुमच्या याच प्रश्नाचं उत्तर देणारा एक व्हिडीओ सध्या व्हायरल होतोय. हा व्हिडीओ मेघालयातील मौसिनराममधला आहे, जे जगातील सर्वात पावसाचे ठिकाण मानले जाते. मौसिनराम या ठिकाणाने आता नवा विक्रम केलाय. ईशान्येकडील राज्यांमध्ये मान्सूनच्या पावसाने कहर केला आहे.
गुरुवारी, १६ जून रोजी सकाळी ८.३० वाजता सुरू झालेला या ठिकाणचा मुसळधार पाऊस दुसऱ्या दिवशी सकाळी ८.३० वाजेपर्यंत सुरू होता. हा पाऊस इतका जबरदस्त होता की अवघ्या २४ तासात १००३.६ मिमी पाऊस पडला. याआधी चेरापुंजीत १६ जून १९९५ रोजी एकाच दिवसात १५६३.३ मिली इतका जोरदार पाऊस झाला होता.
आणखी वाचा : खोडकर मुलाने हातात घेतली पाल, त्यानंतर घरच्यांसोबत केलं असं काही की…; पाहा हा VIRAL VIDEO
७ जून १९६६ रोजी मौसिनरामला एका दिवसात ९४५.५ मिलिलिटर पाऊस पडला, जो त्यापूर्वीचा एक दिवसाचा सर्वाधिक पाऊस होता. हे ठिकाण चेरापुंजीच्या शेजारी आहे. जिथं एवढा पाऊस पडतो, तिथं माणसं कशी राहात असतील, असा विचार हा व्हायरल व्हिडीओ पाहिल्यानंंतर येतो.
जगातील सर्वाधिक आर्द्रता असलेले ठिकाण म्हणून मेघालयच्या मौसिनरामचे नाव गिनीज बुक ऑफ वर्ल्ड रेकॉर्डमध्ये नोंदवले गेले आहे. बंगालच्या उपसागरामुळे येथे भरपूर आर्द्रता आहे. तसंच येथे सरासरी वार्षिक पाऊस ११,८७१ मिमी आहे. मात्र १६ जून रोजीच १० टक्के पाऊस झाला.
येथे वर्षभर पावसाचे प्रमाण इतके असते की रिओ डी जनेरियो येथे असलेल्या ३० मीटर उंच स्टॅच्यू ऑफ क्राइस्टच्या गुडघ्यापर्यंत पाणी येते. चेरापुंजीची जागा आता मौसिनरामने घेतली आहे, ते १५ किमी अंतरावर आहे. १९८५ साली मौसिनराम येथे २६०० मिमी पाऊस पडल्याची गिनीज बुकमध्ये नोंद आहे, जो स्वतःच एक विक्रम होता.
इथे पाहा हा व्हायरल व्हिडीओ :
आणखी वाचा : VIRAL VIDEO : सरकारी शाळेतल्या शिक्षिकेचा ‘झुमका बरेली वाला’वर डान्स, बड्या बड्या हिरोईन्सही पडतील फिक्या
या ठिकाणी राहणाऱ्या लोकांचे जीवन तेथील हवामानावर अवलंबून असतं. मौसिनराम आणि चेरापुंजीमध्ये हवामान नेहमी दमट असते. लोकांचे कपडे, अन्न आणि काम वाळवंटात राहणाऱ्यांपेक्षा पूर्णपणे भिन्न आहेत. या भागात सतत पाऊस पडत आहे. त्यामुळे इथे शेती होण्याची शक्यता नाही. त्यामुळे इथे सर्व काही इतर गावांतून, शहरांतून येतं. हा माल प्लास्टिकमध्ये गुंडाळून ड्रायरने वाळवून विकला जातो.
येथे लोक नेहमी बांबूच्या छत्र्या सोबत ठेवतात. त्यांना कानूप म्हणतात. लोक कामावर जाण्यासाठी प्लास्टिक घालतात. पावसामुळे रस्ते लवकर खराब होतात. त्यामुळे त्यांची दुरुस्ती करण्यात लोकांचा बराच वेळ जातो. जीवन खूप कठीण आहे आणि पावसामुळे ते अधिक कठीण होते.
येथे बांधलेले पूलही नेहमीच जीर्ण अवस्थेत राहतात. हे पाहता दरवर्षी स्थानिक लोक झाडाच्या मुळांना बांधून बांबूचा पूल एका ठिकाणाहून दुसऱ्या ठिकाणी नेण्याचे काम करतात. रबर किंवा बांबूचे पूल बहुतेक मजबुतीमुळे बनवले जातात. ते पाण्यात लवकर खराब होत नाहीत किंवा भाराखाली तुटत नाहीत. नीट बांधल्यास बांबूचा पूल जवळपास एक दशक टिकतो. म्हणजे एकंदरीत तुलना केली, की मुंबई किंवा बंगळुरूसारखी शहरे पावसाने त्रस्त होतात, तेव्हा ही शहरे सुद्धा अडचणीत येत असावीत.
आणखी वाचा : त्सुनामी सारखे ढग तुम्ही कधी पाहिलेत का? मग हा VIRAL VIDEO एकदा पाहाच
मौसिनराम हे नैसर्गिक सौंदर्यासाठीही खूप प्रसिद्ध आहे. पावसात उंचावरून कोसळणारा पाण्याचा झरा आणि धुक्यासारखे दाट ढग जवळून पाहणे म्हणजे आनंदच असतो. मौसिनराम जवळ मावजिम्बुइनच्या नैसर्गिक गुहा आहेत, त्या त्यांच्या स्टॅलेग्माइट्ससाठी प्रसिद्ध आहेत. स्टॅलेग्माइट्स म्हणजे गुहेच्या छतावरून टपकून जमिनीवर जमा झालेला चुना.
का होतो इतका मुसळधार पाऊस?
‘बंगालचा उपसागर’ मान्सून ही दक्षिण हिंदी महासागरातील कायम वाऱ्यांची शाखा आहे, जी विषुववृत्त ओलांडून पूर्वेकडे भारतात प्रवेश करते. हा मान्सून प्रथम म्यानमारच्या अरकान योमा आणि पिगुयोमा पर्वतरांगांना धडकतो, त्यामुळे ईशान्येत मुसळधार पाऊस पडतो. मग हे मान्सूनचे वारे थेट उत्तरेकडे वळतात आणि गंगेच्या डेल्टा प्रदेशातून खासी टेकड्यांवर पोहोचतात. सुमारे १५,००० मीटर उंचीपर्यंत मेघालयातील चेरापुंजी आणि मौसिनराम या ठिकाणी जोरदार पाऊस पडतो.
