Dahi Handi 2024: गोविंदा रे गोपाळा! मुंबईतील ‘या’आहेत प्रसिद्ध मानाच्या दहीहंड्या, नक्की भेट द्या

संकल्प प्रतिष्ठान, जांबोरी मैदान, वरळी

ठाकरे गटाचे नेते सचिन अहिर यांच्या ‘श्री संकल्प प्रतिष्ठान चॅरिटेबल ट्रस्ट’च्या माध्यमातून वरळीत मोठ्या दहीहंडी उत्सवाचे आयोजन केले जाते. वरळीतील जी. एम. भोसले मार्गावरील जांबोरी मैदानावर ही दहीहंडी बांधली जाते. ही दक्षिण मुंबईची सर्वांत उंच आणि मानाची दहहंडी मानली जाते. या दहीहंडीला बॉलीवूडमधील अनेक दिग्गज सेलिब्रिटी उपस्थित राहत असल्याने ही दहीहंडी प्रसिद्ध आहे.

आणखी वाचा

Grah Gochar 2025 : १ फेब्रुवारीपर्यंत फळफळणार ‘या’ राशीच्या लोकांचे नशीब; शुक्राच्या नक्षत्र बदलाने संपत्तीत होईल प्रचंड वाढ, नांदेल सुख समृद्धी

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

येणारे ७० दिवस मंगळ करणार कृपा; ‘या’ तीन राशींची होणार चांदी

Makar Sankranti 2025 : मकर संक्रांतीनिमित्त प्रियजनांना WhatsApp, Instagram, Facebook वर पाठवा मराठी भाषेतून खास गोड शुभेच्छा अन् Greeting cards; पाहा यादी

Maha Kumbh Mela 2025: महाकुंभची पुराणकथा, इतिहास आणि ज्योतिषशास्त्र काय सांगते?

आता नुसता पैसा! मकर संक्रांतीच्यापूर्वी निर्माण होतोय पावरफुल राजयोग, ‘या’ तीन राशींना सूर्यदेव लाखो रुपयांचा धनलाभासह देऊ शकतात आयुष्यभराचे सुख

चार दिवसानंतर सूर्य देणार बक्कळ पैसा; ‘या’ तीन राशींना मिळणार नवी नोकरी आणि संपत्तीचे सुख

Kinkrant 2025: किंक्रांत म्हणजे काय? का पाळला जातो हा दिवस; जाणून घ्या संक्रांत आणि किंक्रांत यातील फरक

Read More Dahi Handi Related News : Krishna Janmashtami 2024: श्रीकृष्ण जन्माष्टमीचा सोहळा मध्यरात्री का साजरा केला जातो? जाणून घ्या रंजक कथा

छबिलदास लेन, दादर

मुंबईतील दादर परिसरात साजरा होणारा हा दहीहंडी उत्सव सर्वांत मोठा दहीहंडी उत्सव आहे. येथे फक्त तरुण गोविंदांचीच पथके नाही, तर तरुणींच्या पथकेही मटकी फोडण्याचे प्रयत्न करतात. हा दहीहंडी उत्सव पाहण्यासाठी हजारोंची गर्दी जमते.

वांद्रे कॉलनी दहीहंडी, वांद्रे

भारतीय जनता पार्टीचे मुंबई अध्यक्ष आमदार आशीष शेलार यांच्या पुढाकाराने वांद्रे कॉलनी येथे दहीहंडीचे आयोजन केले जाते. मुंबईतील सर्वांत लक्षवेधी दहीहंडी म्हणून या दहीहंडीचा नावलौकिक आहे. मुंबईतील अनेक मोठ्या दहीहंडी पथकांना येथे येण्यासाठी खास आमंत्रण दिले जाते. तसेच ही हंडी मुंबईच्या जवळ असल्याने इथे बाळगोपाळांसह बघ्यांची मोठी गर्दी असते.

मागाठाणे दहीहंडी, बोरिवली

शिवसेनेचे (शिंदे गट) आमदार प्रकाश सुर्वे यांच्या वतीने दरवर्षी दहीहंडी उत्सवाचे आयोजन केले जाते. ही राजकीय दहीहंडी असल्याने येथे हंडी फोडण्यासाठी मुंबईभरातून गोविंदांचे संघ पोहोचतात. दरवर्षी लाखोंची बक्षिसेही येथे ठेवली जातात. येथे टीव्ही आणि बॉलीवूड जगतातील सेलिब्रिटीही दरवर्षी सहभागी होतात.

संस्कृती युवा प्रतिष्ठान दहीहंडी, ठाणे

शिवसेना (शिंदे गट) आमदार प्रताप सरनाईक यांच्या पुढाकाराने ‘संस्कृती युवा प्रतिष्ठान’मार्फत बांधण्यात येणारी दहीहंडी म्हणजे ठाण्यातील एक प्रसिद्ध दहीहंडी महोत्सव आहे. गेल्या काही वर्षांत या महोत्सवाने एक प्रभावी प्रतिष्ठा निर्माण केली आहे. २०१२ मध्ये जय जवान गोविंदा मंडळाने येथे ४३.७९ फूट आणि ९ थरांचा मानवी मनोरा रचून ‘गिनीज बुक ऑफ वर्ल्ड रेकॉर्डस्’मध्ये नाव नोंदवले, तेव्हापासून दरवर्षी होणारा हा दहीहंडी उत्सव पाहण्यासाठी बॉलीवूड आणि राजकारणातील सर्व सेलिब्रिटी येथे पोहोचतात. ठाणे जिल्ह्यातील वर्तकनगर भागातील महापालिकेच्या शाळा परिसरात याचे आयोजन करण्यात आले आहे. गेल्या काही वर्षांत येथील बक्षिसांची रक्कम एक कोटी रुपयांपर्यंत पोहोचली होती. यावेळी ठाण्यात शिवसेना आमदार प्रताप सरनाईक यांच्या ‘संस्कृती प्रतिष्ठान’ आयोजित दहीहंडी उत्सवात यंदा पहिले नऊ थर लावणाऱ्या गोविंदा पथकाला ११ लाखांचे बक्षीस दिले जाणार आहे.