लोक काय म्हणतील? याचा विचार करून लोक खरं आयुष्य जगायला विसरून जातात आणि जीवनाचा खरा आनंद शोधण्यात आयुष्य निघून जातं. दंगामस्ती, नाचगाणी यासारख्या छोट्या छोट्या गोष्टींमधून तर खरा आनंद मिळतो. असाच संदेश देणारा हा व्हिडीओ सध्या सोशल मीडियावर वाऱ्यासारखा पसरू लागला आहे. या व्हिडीओमध्ये एका अस्वलानं इतका दिलखुलासपणे डान्स केलाय, तो पाहून तुम्ही कोणत्याही मूडमध्ये असलात तरी मन अगदी प्रसन्न होईल.
सोशल मीडियावर व्हायरल होत असलेल्या हा व्हिडीओ एका जंगल परिसरातला असल्याचं दिसून येतंय. या अस्वलाच्या डान्सने संपूर्ण माहौलच बदलून टाकलाय. हे अस्वल आपल्याच धुंदीत अगदी मनसोक्त डान्स करताना दिसून येत आहे. आपल्याच स्टाईलमध्ये अस्वल गाण्याशिवायच ठूमके लावताना दिसून येत आहे. जंगलात तो एकटाच मोकळ्या मनाने थिरकताना पाहून तुमच्या चेहऱ्यावर एक छोटीशी स्माईल आल्याशिवाय राहणार नाही.
आणखी वाचा : VIRAL VIDEO : दारूसाठी कायपण! रस्त्यावर उलटला ट्रक, तर लहान मुलं सुद्धा बाटल्या घेऊन पळाले
हे अस्वल ज्या पद्धतीने डान्स करतोय ते पाहून असा भास होतो जणू त्याला आयुष्यातली सर्वात मोठी गोष्ट त्याला मिळाली असावी. आपल्याही आयुष्यात जेव्हा आपल्याला हवी असलेली सर्वात मोठी गोष्ट जेव्हा आपल्याला मिळते त्यावेळी सुद्धा अस्वलासारखंच दिलखुलासपणे डान्स करत हा आनंद साजरा करावा. आयुष्यात मिळणारे आनंद असेच साजरे करावेत, असाच बोध या व्हिडीओमधून मिळतो.
आणखी वाचा : VIRAL VIDEO : घोटभर पाण्यासाठी जीव धोक्यात! नाईलाजास्तव खोल विहिरीत उरताहेत महिला
इथे पाहा हा व्हायरल व्हिडीओ :
आणखी वाचा : खाली डोकं, वर पाय! हत्तीचा स्तब्ध करणारा स्टंट; VIRAL VIDEO पाहून तुम्ही देखील व्हाल हैराण
हा व्हिडीओ योग नावाच्या युजरने ट्विटरवर शेअर केला आहे. हा व्हिडीओ एकदा पाहिल्यानंतर तो वारंवार पाहण्याचा मोह मात्र लोकांना आवरता येत नाहीय. हा व्हिडीओ लोकांना इतका आवडू लागलाय की आतापर्यंत या व्हिडीओला २.९ मिलियनपेक्षा जास्त व्ह्यूज मिळाले आहेत. तर १ लाख ३८ हजारांपेक्षा जास्त लोकांनी या व्हिडीओला लाईक केलंय.
