रशियन जोडप्याचं फोटोशूट पाहून तुमच्या काळजाचा ठोका चुकेल

एंजेलिना निकोलाऊ हे नाव सोशल मीडियावर चांगलंच प्रसिद्ध आहे. २३ वर्षांची ही मॉडेल तिच्या साहसी प्रकारातील छायाचित्रांसाठी प्रसिध्द आहे. थरार अनुभवण्याची आवड असलेल्या एंजेलिना जगभरातील गगनचुंबी इमारतीच्या टोकावर आणि अनेक उंच ठिकाणी चढून स्वत:चे फोटो काढते. हे करताना ती अक्षरश: जीवाची बाजी लावते. आतापर्यंत तिने चीन, हाँगकाँग आणि दुबई अशा अनेक शहरांमधील उंच ठिकाणांवर जीव धोक्यात घालून फोटो काढले आहेत. इंटरनेटवर या फोटोंना अल्पावधीतच प्रसिद्धी मिळाल्यामुळे एंजेलिना सोशल मीडियावर लोकप्रिय झाली आहे.