Viral Video : स्त्री ही कुटुंबाचा केंद्रबिदू असते. यामध्ये सासू सुना या कुटुंबातील महत्त्वाच्या व्यक्ती असतात. सासू सुनेचे सहसा पटत नाही, असा सर्वांचा समज आहे पण ही गोष्टी प्रत्येकाच लागू होते असे नाही. काही ठिकाणी सासू सुना गुण्यागोविंदाने राहतात तर काही ठिकाणी सासू सुनांचे पटत नाही. सध्या असाच एक व्हिडीओ व्हायरल होत आहे. या व्हिडीओमध्ये ‘आम्ही बाई सुना’ या गाण्यावर काही महिला त्यांच्या सासूची तक्रार करत आहे. डान्स करत या सुना सासूची तक्रार करताना दिसतात. हा व्हिडीओ पाहून तुम्हालाही हसू येईल. सध्या हा व्हिडीओ चांगलाच व्हायरल होत आहे. (daughter in laws dance on funny song aamhi bai suna)
“राब राब राबतात बिचाऱ्या सुना..”
या व्हायरल व्हिडीओमध्ये चार महिला डान्स करताना दिसतात. ‘आम्ही बाई सुना’ या हास्यजत्रेतील लोकप्रिय गाण्यावर त्या डान्स करत आहे. सुंदर स्टेप्स करत त्या डान्सचा आनंद लुटताना दिसत आहे. तुम्ही हे गाणं ऐकलं का? या गाण्याचे लिरीक्स खूप मजेशीर आहे. “आम्ही बाई सूना, आम्ही बाई सूना, सासू लावी आमच्या संसाराला चुना, राब राब राबतात बिचाऱ्या सुना, राब राब राबतात बिचाऱ्या सुना, इथं तिथं काढे सासूबाई फसकन् फना” या लिरीक्सवर त्या डान्स करताना दिसतात. सोशल मीडियावर ‘आम्ही बाई सुना’या गाण्यावर अनेक रील्स व्हायरल होत आहेत पण हा व्हिडीओ पाहून तुम्हीही थक्क व्हाल.
पाहा व्हायरल व्हिडीओ
हेही वाचा : VIDEO : पहिला घास नातीला! आजीचं प्रेम पाहून तुम्हीही व्हाल भावूक, आठवतील बालपणीचे दिवस
tsanu_1201’s या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “आम्ही बाई सुना” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “सासूबाईंनी रील बघीतली तर तूमच काही खरं नाही” तर एका युजरने लिहिलेय, “तुमच्या आईवर पण काहीतरी म्हणा की गाणं, नवऱ्याच्या आईवर सगळं गाणं काढता” आणखी एका युजरने लिहिलेय, “सासूबाईंनी रील बघितली तर घरी ठेऊन घेणार नाही.” या व्हिडीओवर अनेक युजर्सनी हसण्याचे इमोजी शेअर केले आहेत.
