सांबारमध्ये आढळला मृत उंदीर, गुजरातमधल्या प्रसिद्ध देवी डोसा सेंटरमधला धक्कादायक प्रकार

गुजरातमधल्या देवी रेस्तराँमधला प्रकार

अहमदाबाद येथील देवी डोसा रेस्तराँ हे प्रसिद्ध रेस्तराँ आहे. या ठिकाणी अनेक लोक आवडीने पदार्थ खायला येत असतात. याच हॉटेलमध्ये सांबारात मृत उंदीर आढळल्याने खळबळ उडाली आहे. या ठिकाणी ईडली, डोसा, उत्तपा तसंच इतर दाक्षिणात्य पदार्थ खायला मिळतात आणि लोकांची या ठिकाणी गर्दी होते. अहमदाबाद येथील निकोल भागात देवी डोसा सेंटर हे प्रसिद्ध रेस्तराँ आहे. या रेस्तराँमध्ये नाश्ता करण्यासाठी अनेकदा लोक येतात. इथल्या खास चवीमुळे हे रेस्तराँ प्रसिद्ध आहे असंही सांगितलं जातं. याच रेस्तराँमध्ये ही घटना घडली आहे.

आणखी वाचा

खारघरमध्ये सोनेरी कोल्हा आणि भटक्या कुत्र्यांचा एकत्र वावर

कल्याण मारहाण प्रकरण: “तो म्हणाला मुख्यमंत्री कार्यालयातून एक…

चेंबूरमध्ये पालिकेने खोदलेल्या खड्यात पडून इसमाचा मृत्यू, कंत्राटदाराविरोधात गुन्हा दाखल

मित्रांबरोबर गेला, दुसऱ्या दिवशी मृतदेह सापडला; प्रसिद्ध अभिनेत्रीच्या १४ वर्षीय मुलाचा दुर्दैवी अंत

व्हिडिओ: अत्यंत विषारी मण्यार सापांची थरकाप उडवणारी झुंज

वाघिणीच्या पिंजऱ्यात शिरला साप आणि आता मोराच्याही…

रायगड : कुंडलिका नदीत बुडालेल्या चौघांचा मृत्यू

पुणे-मुंबई द्रुतगतीवरील अपघातात ते सहा सेकंद महत्वाचे ठरले! सहा जण थोडक्यात बचावले

हे पण वाचा- बापरे बाप! Amazon चं पार्सल उघडताच बाहेर आला साप, दाम्पत्याची घाबरगुंडी, कंपनीने दिलं ‘हे’ उत्तर

नेमकं काय घडलं?

देवी रेस्तराँमध्ये एका ग्राहकाने डोसा आणि ईडली मागवली. त्यातल्या सांबार वाटीत उंदीर आढळला. यानंतर या ग्राहकाने अहमदाबाद महापालिकेत धाव घेतली आहे. अन्न आणि औषध प्रशासनाकडे आणि आरोग्य विभागाकडे तक्रार केली आहे. त्यानंतर आरोग्य विभागाने या रेस्तराँला नोटीस बजावली आहे. या रेस्तराँची जेव्हा पाहणी केली तेव्हा सांबार आणि चटणीयांसारखे पदार्थ उघड्यावर ठेवल्याचंही दिसून आलं. या ठिकाणाहूनच ते लोकांना दिले जात होते असंही दिसतं आहे. त्यामुळे या ठिकाणी उंदीर पडला असण्याची शक्यता आहे असंही लोक व्हिडीओ पाहून म्हणत आहेत. अहमदाबाद अपडेट्स या इंस्टाग्राम पेजवर हा व्हिडीओ पोस्ट करण्यात आला आहे.

भाविन जोशी यांनी काय सांगितलं?

अन्न सुरक्षा अधिकारी भाविन जोशी यांनी घडल्या प्रकाराबाबत ANI ला सांगितलं की , अहमदबाद महापालिकेने या प्रकरणी तातडीने लक्ष घातलं पाहिजे. तसंच अशा घटना टाळण्यासाठी आणि ग्राहकांना त्रास होऊ नये यासाठी प्रयत्न केले पाहिजेत.

व्हिडीओवर लोकांच्या प्रतिक्रिया काय?

ज्या ग्राहकाला हा अनुभव आला त्याने या घटनेचा व्हिडीओ सोशल मीडियावर पोस्ट केला आहे. सांबारात पडलेल्या या उंदराचा व्हिडीओ सोशल मीडियावर व्हायरल होतो आहे. त्यावर लोक विविध कमेंटही करत आहेत. टेबलाखालून पैसे घेऊन असल्या हॉटेल्सना संमती देऊ नका आणि लोकांच्या जिवाशी खेळ करु नका असं काही नेटकऱ्यांनी म्हटलं आहे.असल्या हॉटेल्समध्ये जाण्यापेक्षा महाग हॉटेल्समध्ये गेलं पाहिजे असाही सल्ला काहींनी दिला आहे. खाण्याचा दर्जा दिवसेंदिवस बिघडत चालला आहे असंही काहींनी म्हटलं आहे.