चोरी करण्याची ‘ही’ पद्धत पाहा आणि सावध व्हा; वृद्ध व्यक्तीबरोबर भर दिवसा काय घडलं पाहा; VIDEO पाहून गोंधळून जाल

पूर्व दिल्लीतील विवेक विहार येथे मंगळवारी सकाळी एका वृद्धाला चाकूच्या धाक दाखवत लुटण्यात आल्याची धक्कादायक घटना घडली आहे. ही संपूर्ण घटना परिसरात लावण्यात आलेल्या सीसीटीव्ही कॅमेऱ्यात कैद झाली असून, या चोरीचा व्हिडिओ सोशल मीडियावर व्हायरल होत आहे. व्हिडिओमध्ये, दुचाकीवरून आलेले दोन चोरटे त्याच्या स्कूटरवर असलेल्या वृद्धाला थांबवतात आणि दिवसाढवळ्या चाकूचा धाक दाखवून लुटतात.

या व्हिडीओमध्ये तुम्ही पाहू शकता, वृद्ध व्यक्ती आपल्या स्कूटरवरून पहाटे कुठेतरी जात असताना दुचाकीवरून आलेल्या दोन दरोडेखोरांनी त्यांना रस्ता विचारण्याच्या बहाण्याने अडवले. दुचाकीस्वार दुचाकीवरून उतरला आणि त्याच्या स्कूटरवर बसलेल्या वृद्ध व्यक्तीजवळ गेला. दोन्ही दरोडेखोरांनी हेल्मेट घातले होते, हे व्हिडिओत दिसत आहे. त्यानंतर दरोडेखोराने चाकूने वार केला, वयोवृद्ध माणसाला घाबरवले. तो आपल्या स्कूटरवर शांतपणे बसून राहिला आणि चोरट्याने त्यांची चेन आणि इतर काही वस्तू हिसकावून घेतल्या. त्यानंतर दरोडेखोर घटनास्थळावरून फरार झाले. दरोडेखोर पळून गेल्यानंतर वृद्ध व्यक्ती काही काळ त्यांच्या स्कूटरवर बसून राहिल्याचं दिसत आहे.या घटनेमुळे तो इतका हादरला होता की त्याला त्याची स्कूटर नीट पार्क करता आली नाही, ज्यामुळे तो उतरताच ती खाली पडला.

पाहा व्हिडीओ

हेही वाचा >> पुणे तिथे काय उणे! सर्वात छोटे अन् दाटीवाटीचे रस्ते असलेल्या शहरांमध्ये पुण्याचा कितवा नंबर पाहा

अलीकडच्या काळात अशा अनेक घटना समोर आल्याने दिल्लीत लुटमारीच्या घटनांमध्ये वाढ झाली आहे. लोकांना लुटण्यासाठी अनेक टोळ्या दिल्लीत सक्रिय आहेत. “खुजली गँग” म्हणून ओळखली जाणारी एक टोळी पीडितांना लुटण्यापूर्वी त्यांचे लक्ष विचलित करण्यासाठी खाज सुटणारी पावडर वापरते. आणखी एक टोळी पीडितांना लुटण्याआधी भान गमावेपर्यंत त्यांची गळचेपी करण्यासाठी ओळखली जाते.