Viral video: सोशल मीडियावर प्रसिद्धीच्या हव्यासापोटी स्वत:चा आणि इतरांचा जीव धोक्यात घालून स्टंटबाजी करणाऱ्या तरुणांची संख्या दिवसेंदिवस वाढत आहे. काही मंडळींना स्टंटबाजी करण्याची फारच हौस असते. ही मंडळी संधी मिळताच चित्र-विचित्र स्टंट मारून लोकांचं लक्ष वेधून घेण्याचा प्रयत्न करतात. पण, ही स्टंटबाजी काही वेळेस अंगाशीसुद्धा येते. व्हिडीओच्या माध्यमातून प्रसिद्धी मिळवण्यासाठी धोकादायक स्टंटबाजी करणाऱ्यांना चांगलीच अद्दलही घडल्याचे व्हिडीओ अनेकदा समोर आले आहेत; मात्र तरीही तरुणाई यातून काहीही बोध घेत नाही. असाच एका तरुणाचा धक्कादायक व्हिडीओ समोर आला आहे; ज्यामध्ये या तरुणाच्या चुकीमुळे सायकलस्वाराचा जीव धोक्यात आला.
सोशल मीडियावर लाईक्स आणि फॉलो करण्यासाठी लोक कोणत्याही थराला जाऊ शकतात. हा व्हिडिओ दिल्लीच्या सिग्नेचर ब्रिजचा आहे, जिथे एक तरुण चक्क रिक्षाच्या बाहेर त्याचं संपूर्ण शरीर काढून धोकादायक स्टंट करत आहे. यावेळी तो स्वत:चा जीव तर धोक्यात घालत आहे, बरोबरच इतरांचाही. तरुणाच्या या स्टंटमुळे एक सायकलस्वारही जखमी झाला आहे.
या व्हिडीओमध्ये तुम्ही पाहू शकता, एक तरुण वेगवान ऑटो रिक्षातून संपूर्ण शरीर काढून आजूबाजूच्या वाहनांना स्पर्श करत आहे. त्याचवेळी मागून दुचाकीवरून येणारा त्याचा मित्र कॅमेराने व्हिडिओ रेकॉर्ड करत आहे.यावेळी ऑटोवर स्टंट करत असलेला तरुण सायकलस्वाराला धडकतो आणि त्याला खाली पाडतो, असे व्हिडिओमध्ये दिसत आहे. या अपघातात सायकलस्वारही गंभीर जखमी झाला आहे. @abhaymotoupdates नावाच्या युजरने हा व्हिडिओ सोशल मीडिया प्लॅटफॉर्म इन्स्टाग्रामवर शेअर केला आहे. या पोस्टवर अनेकांनी आपल्या प्रतिक्रिया दिल्या आहेत.
पाहा व्हिडीओ
हेही वाचा >> ‘हुंडा द्या नाहितर नाही तर लग्न मोडतो’ नवरदेवाची भरमंडपात धमकी; VIDEO पाहून तुमचाही चढेल पारा
व्हिडिओ पाहिल्यानंतर लोक संतापले
व्हायरल व्हिडिओ पाहून लोक चांगलेच संतापले आहेत. एका यूजरने लिहिले की, ‘लोक रीलसाठी काहीही करत आहेत.’ आणखी एका यूजरने लिहिले की, ‘या स्टंट मॅनवर कडक कारवाई झाली पाहिजे.’ त्याचवेळी दुसऱ्या युजरने लिहिले की, ‘त्याला लवकर अटक करावी.’
