Jugaad Video : झाडावरील फळे तोडणे हे खूप कठीण काम आहे. अनेक जण झाडावर चढून फळे तोडतात; पण आता फळे तोडण्यासाठी झाडावर चढण्याची काहीही आवश्यकता नाही. कारण- एक भन्नाट जुगाड सध्या सोशल मीडियावर व्हायरल होत आहे.निकाम्या प्लास्टिकच्या बाटलीने झाडावरील फळे कशी तोडायची हे या व्हायरल व्हिडीओमध्ये सांगितले आहे. हा अनोखा देशी जुगाड पाहून तुम्हीही थक्क व्हाल. या व्हायरल व्हिडीओमध्ये तुम्हाला दिसेल की, एक निकामी प्लास्टिक बाटली घेतली आहे. या बाटलीवर पेनाने आयाताकृती आकार काढला आहे आणि पुढे व्हिडीओत तो आयताकृती भाग कापताना दिसत आहे.या बाटलीच्या तोंडामध्ये एक लांब सरळ काठी लावली आहे. काठीची लांबी झाडाच्या उंचीनुसार निवडू शकता. ही काठी हातात घेऊन झाडावरील फळे सहज तोडताना व्हिडीओत दिसत आहे. हा भन्नाट व सोपा जुगाड तुम्हालाही आवडू शकतो. सध्या या व्हिडीओची चर्चा मोठ्या प्रमाणात सुरू आहे. हेही वाचा : VIDEO : बॉडी बनवण्याचा नाद पडला महागात ! दरवाज्याचा रॉड घेऊन धाडकन् खाली पडला, व्हायरल व्हिडीओ एकदा पाहाच Mr. Shankar या यूट्युब चॅनेलवरून हा व्हिडीओ शेअर करण्यात आला आहे. कोणताही खर्च न करता, निकाम्या वस्तूंपासून उपयोगी वस्तू बनवण्यालाच 'जुगाड' म्हणतात. या व्हिडीओमध्ये तुम्हाला दिसेल की, कोणताही खर्च न करता फळे तोडण्याचे हे अनोखे यंत्र बनवले आहे. सोशल मीडियावर असे एकापेक्षा एक क्रिएटिव्ह व्हिडीओ व्हायरल होत असतात.
