DCM Devendra Fadnavis Fact Check Video : राष्ट्रवादी काँग्रेस पक्षाचे (NCP) नेते व वांद्रे पश्चिमचे तीन वेळा माजी आमदार असलेले बाबा सिद्दीकी यांची शनिवारी गोळ्या घालून हत्या करण्यात आली. लॉरेन्स बिश्नोई टोळीने नंतर त्यांच्या हत्येची जबाबदारी स्वीकारली. या हत्येनंतर मुंबईत लावण्यात आलेले उपमुख्यमंत्री देवेंद्र फडणवीसांच्या पोस्टर्सचे अनेक फोटो सोशल मीडियावर शेअर केले जात आहेत. या पोस्टर्सवर ‘बदला पुरा!’ (बदला पूर्ण) असे लिहिले आहे. ही पोस्टर्स आता सोशल मीडियावर व्हायरल करीत असा दावा केला जात आहे की, बाबा सिद्दीकींच्या मृत्यूनंतर मुंबईत हे बॅनर्स लावण्यात आले आहेत. पण, खरंच अशा प्रकारे बॅनर्स मुंबईत कुठे झळकले का, याबाबतचे सत्य जाणून घेण्याचा आम्ही प्रयत्न केला. तेव्हा एक वेगळंच सत्य समोर आलं, ते नेमकं काय आहे जाणून घेऊ…
काय होत आहे व्हायरल?
एक्स युजर व आप नेते नरेश बल्यान यांनी त्यांच्या हॅण्डलवर हे फोटो शेअर केले आहेत.
इतर युजर्सदेखील त्याच दाव्यासह फोटो शेअर करीत आहेत.
तपास :
दाव्यासह शेअर करण्यात आलेल्या फोटोंवर आम्ही गूगल रिव्हर्स इमेज सर्चद्वारे तपास सुरू केला.
यावेळी आम्हाला हिंदुस्तान टाइम्समध्ये २६ सप्टेंबर रोजी प्रकाशित झालेले एक वृत्त सापडले; जे नेता बाबा सिद्दीकीला गोळ्या घालून हत्या करण्याच्या आधीचे आहे.
https://www.hindustantimes.com/cities/mumbai-news/badla-pura-bjp-tries-to-one-up-shiv-sena-in-taking-credit-for-badlapur-accused-s-encounter- 101727292321634.html
बातमीत असे म्हटले आहे की, शिवसेनेच्या नेते आणि कार्यकर्त्यांनी बदलापूर लैंगिक अत्याचार प्रकरणातील अटक करण्यात आलेला आरोपी अक्षयचा पोलिसांच्या चकमकीत मृत्यू झाल्याने आनंद साजरा केला. कार्यकर्त्यांनी याचे सर्व श्रेय मुख्यमंत्री एकनाथ शिंदे यांना देत फटाके फोडून, मिठाई वाटून आनंद व्यक्त केला. त्यानंतर दुसऱ्याच दिवशी भाजपाही आपल्या मित्रपक्षाला टक्कर देण्याचा प्रयत्न करताना दिसला.
ही पोस्टर्स बदलापूर चकमकीनंतर लावण्यात आले होते.
आम्हाला त्याच घटनेबद्दल इतर मीडिया वेबसाइटवरदेखील बातम्या सापडल्या.
https://www.indiatvnews.com/maharashtra/devendra-fadnavis-posters-surface-in-mumbai-after-badlapur-encounter-bjp-shiv-sena-ncp-photos-videos-latest-updates-2024-09- २५-९५३८७४
निष्कर्ष :
बदलापूर चकमकीनंतर मुंबईत महाराष्ट्राचे उपमुख्यमंत्री देवेंद्र फडणवीस यांच्या पोस्टर्सचे फोटो आता राष्ट्रवादीचे नेते बाबा सिद्दीकी यांची मुंबईत गोळ्या घालून हत्या केल्यानंतर पुन्हा शेअर केले जात आहेत. त्यामुळे व्हायरल होणारे दावे खोटे आणि दिशाभूल करणारे आहेत.
