अजब! करोनाच्या नियमांचं उल्लंघन केल्याने कुत्र्याला अटक

इंदोरच्या जिल्हाधिकाऱ्यांनी मंगळवारपासून कडक लॉकडाउन करण्याचा आदेश दिला आहे. यादरम्यान बुधवारी संबंधित व्यक्ती कुत्र्याला घेऊन फिरण्यासाठी घराबाहेर पडली होती. यावेळी कोणीही लॉकडाउनचं उल्लंघन करत नाही ना हे पाहण्यासाठी पोलीस गस्त घालत होते. गस्त घालत असतानाच पोलिसांना एक व्यक्ती कुत्र्याला घेऊन रस्त्यावर फिरत असल्याचं दिसलं. हे करोनासंबंधित नियमांचं उल्लंघन असल्याचं सांगत पोलिसांनी कारवाई केली आणि कुत्र्यासहित मालकाला अटक केली.

ही व्यक्ती एक उद्योजक असून पोलिसांनी त्यांना जेलमध्ये टाकल्याचा दावा केला जात होता. पोलिसांनी मात्र हा दावा फेटाळला आहे. दरम्यान काही प्राणीमित्र संघटनांनी कारवाईचा निषेध केला आहे.