सध्या सोशल मीडियावर एक व्हिडीओ प्रचंड व्हायरल होतोय. या व्हिडीओमध्ये एक कुत्रा ट्रफिकमध्ये गाडी चालवत असल्याचे दिसत आहे. हा व्हिडीओ पाहून सर्वांना आश्चर्यचा धक्का बसला आहे. हा व्हिडीओ शिलाँगमधील असून यात भर गर्दीमध्ये कुत्रा गाडी चालवत असल्याचे दिसत आहे.
हा व्हिडीओ The Shillong Gag नावाच्या फेसबुक पेजवर पोस्ट करण्यात आला आहे. आतापर्यंत ३० हजारपेक्षा आधीक लोकांनी पाहिला आहे तर ८०० पेक्षा जास्त जणांनी शेअर केला आहे. कुत्रा मारूती ८०० या गाडीत ड्रायव्हर सीटवर बसून भर गर्दीतून कार चालवत असल्याचे या व्हिडीओमध्ये दिसत आहे. बाजूच्या सीटवर एक व्यक्तीही बसला आहे. व्हिडीओ सोशल मीडियावर व्हायरल झाल्यानंतर पोलिसांनी कार मालकावर कारवाई केली आहे. पोलिसांनी एक हजार रूपयांचा दंड ठोठावला आहे.
