सोशल मीडियावर प्राण्यांशी संबंधित अनेक व्हिडिओ व्हायरल होत असतात. यातील काही व्हिडिओ अंगावर शहारा आणणारे असतात, तर काही व्हिडीओ असे मजेशीर असतात, जे पाहिल्यानंतर आपणाला हसू आवरता येत नाही. सध्या असाच एक व्हिडिओ सोशल मीडियावर व्हायरल होत आहे, ज्यामध्ये रस्त्यावर फिरणाऱ्या पाळीव कुत्र्याने असं काही केलं आहे की, ते पाहून लोकांना आपलं हसू आवरणं कठीण झालं आहे.
रस्त्याच्या मधोमध बसला कुत्रा –
व्हिडिओमध्ये, एक व्यक्ती त्याच्या पाळीव कुत्र्याला रस्त्यावर फिरवताना दिसत आहे. तर रस्त्याच्या मधोमध, कुत्रा आपले पायवर करून रस्त्यावर पडल्याचंही दिसत आहे, यावेळी कुत्र्याचा मालक झोपलेल्या कुत्र्याला उचलण्याचा प्रयत्न करतो. बेल्ट पकडून त्याला ओढण्याचा प्रयत्नही करतो पण कुत्रा काही उठायचं नाव घेत नाही. व्हिडीओत दिसत आहे की, काही वेळाने कुत्रा उभा राहतो आणि यावेळी मालकाला वाटतं की आता तो चालायला तयार आहे, पण मालकाने कुत्र्याला चालण्यासाठी पुढे ओढण्याचा प्रयत्न केला तरीही तो जागचा हालत नाही. शिवाय तो पुन्हा जमिनीवर बसतो. तिथे उपस्थित लोकांपैकी एका व्यक्तीने ही सर्व घटना कॅमेऱ्यात शूट केली होती, ज्याचा व्हिडीओ सध्या व्हायरल होत आहे. तर व्हिडिओमध्ये उपस्थित लोकांचा हसतानाचा आवाजही ऐकू येत आहे. शेवटी कंटाळून कुत्र्याचा मालक त्याला आपल्या हातांनी उचलून घेतो आणि चालायला सुरुवात करत असल्याचंही व्हिडीओत दिसत आहे.
व्हिडीओवर नेटकऱ्यांच्या प्रतिक्रिया –
सोशल मीडियावर या कुत्र्याचा व्हिडिओ व्हायरल होताच नेटकरी त्यावर अनेक प्रतिक्रिया देत आहेत. एका नेटकऱ्याने लिहिलं आहे, “कुत्र्यांना मनवण्यासाठी खिशात नेहमी चॉकलेट ठेवायला हवं” तर आणखी एकाने लिहिलं की, माझा कुत्राही असेच करतो, त्याच्या मनाविरुद्ध घेऊन जायचं म्हटलं की तो चालत नाही. तर तिसऱ्या नेटकऱ्याने लिहिलं, “कदाचित हा कुत्रा थकला आहे, त्यामुळे आता त्याच्यात चालण्याची क्षमता नाही.” हा व्हिडिओ @buitengebieden नावाच्या ट्विटर अकाऊंटवरुन शेअर करण्यात आला आहे, जो आतापर्यंत सुमारे ८ मिलियनहून अधिक लोकांनी पाहिला आहे. तर या व्हिडिओला ९७ हजारांहून अधिक लाईक केलं आहे.
