VIDEO: जिथं भीती संपते तिथं आयुष्य सुरु होतं! शत्रू कितीही मोठा असला तरी बुद्धीने करावे काम; कुत्रा अन् सिहांची भयंकर लढाई

हा व्हिडीओ पाहून लोकांचा डोळ्यांवर विश्वास बसत नाहीये. पण, ही डोळ्यांसमोर घडलेली घटना असली तरी ती सर्वसाधारण घटना नक्कीच नाही. असे क्वचितच कोणी ऐकले किंवा पाहिले असेल. याच कारणामुळे ट्विटरवर हा व्हिडीओ प्रचंड व्हायरल होत असून, कुत्र्याला स्वत:विषयी असलेला आत्मविश्वास पाहून सारेच त्याचं कौतुक करताना दिसत आहेत. या व्हिडीओमध्ये कुत्रा थेट सिंहाला आव्हान देत असल्याचं दिसून येतं. त्यामुळे कुत्र्याच्या या धाडसाचं साऱ्यांनाच कौतुक वाटतं आहे. कारण- हा कुत्रा सिंहाला केवळ आव्हानच देत नाही, तर त्याला ‘काँटे की टक्कर’ देऊन, माघार घ्यायला भाग पाडतो.

जिथं भीती संपते तिथं आयुष्य सुरु होतं

एक सिंह कुत्र्याची शिकार करण्याचा प्रयत्न करीत होता; पण कुत्रा त्या सिंहाला मोठ्या आत्मविश्वासानं सामोरा गेला. सिंह हल्ला करण्यासाठी तयारी करू लागला; पण ते पाहूनही कुत्रा बिलकूल घाबरला नाही. उलट त्यानंदेखील सिंहाला जोरदार प्रत्युत्तर दिलं. या व्हिडीओमध्ये तुम्ही पाहू शकता की, दोन्ही सिंह पुढे येताच कुत्रादेखील त्यांच्यासमोर मोठ्या धाडसानं पुढे गेला. सिंहानं हल्ला करताच त्यानंदेखील प्रतिहल्ला चढवला. मात्र, आश्चर्य बाब म्हणजे या लढाईत अखेर कुत्र्यानंच बाजी मारली. कुत्र्याचं ते रौद्र रूप पाहून सिंहानं माघार घेतली. हा व्हिडीओ पाहून तुम्हीही म्हणाल… जिथं भीती संपते तिथं आयुष्य सुरू होतं.

पाहा व्हिडीओ

हेही वाचा >> जेव्हा वाहतूक पोलिसच वाहतुकीचे नियम मोडतात; लोकांनी प्रश्न विचारताच दिलं उद्धट उत्तर, संतापजनक VIDEO व्हायरल

हा व्हिडीओ @ @susantananda3 या ट्विटर अकाउंटवरून शेअर करण्यात आला आहे. ‘धैर्य तुम्हाला प्रयत्न करण्यास आणि अशक्य ते शक्य करण्यासाठी प्रयत्न करण्यास भाग पाडू शकते’, अशा आशयाची कॅप्शन या व्हिडीओला देण्यात आली आहे. सिंहाला जंगलाचा राजा म्हणतात. अन् या राजाला चक्क कुत्रा पळवतोय हे पाहून सर्वांनाच आश्चर्याच धक्का बसला आहे. पण, आपल्या गल्लीत कुत्रासुद्धा सिंह होतो ही म्हण मात्र या व्हिडीओमुळे आता खरी ठरली आहे. हा व्हिडीओ पाहून तुम्हाला काय वाटतंय त्याच्या प्रतिक्रिया तुम्हीदेखील आमच्या कमेंट सेक्शनमध्ये नक्की द्या.