‘डॉली चायवाल्या’ने चक्क दुबईमध्ये थाटले नवे ऑफिस; Video पाहून युजर म्हणाला, “डिग्रीला आग…”

Dolly Chaiwal Viral Video : सोशल मीडियावर फेमस झालेल्या ‘डॉली चहावाल्या’ची आता वेगळी ओळख सांगण्याची गरज नाही. कारण- तो केवळ भारतातच नाही, तर आता जगभरात फेमस झाला आहे. रोज त्याचे अनेक नवे व्हिडीओ सोशल मीडियावर व्हायरल होत असतात. त्यात तो अगदी लक्झरी लाइफ जगताना दिसतो, कधी आलिशान कारमधून प्रवास करताना, तर कधी परदेशातील पर्यटनस्थळांवर आनंद घेताना दिसतो. जेव्हापासून बिल गेट्स त्याच्या चहाच्या टपरीवर चहा पिऊन गेलेत, तेव्हापासून डॉली चायवाल्याचे आयुष्यच बदलले आहे. पूर्वी फक्त नागपूर शहरातील ग्राहकांमध्ये ‘डॉली चायवाला’ प्रसिद्ध होता; पण आता जगभरातील लोकांमध्ये तो फेमस झाला. यशाच्या नव्या उंची गाठत असताना त्याने आणखी एक नवे यश संपादन केले आहे. डॉली चायवालाने आता दुबईत आपले नवे ऑफिस उघडले आहे. त्याचा व्हिडीओ त्याने त्याच्या इन्स्टाग्राम अकाउंटवर शेअर केला आहे.