नशेत धुंद महिलेचा VIDEO VIRAL, उभंही राहता येत नव्हतं.... | drug dragged women video viral maqboolpura in amritsar prp 93

या व्हिडीओमध्ये हातात बांगडी घातलेली तरुणी अंमली पदार्थाचे इंजेक्शन घेताना दिसतेय. नशेच्या आहारी इतकी गेलेली आहे की ती सरळ उभी सुद्धा राहू शकत नाही.

(Image: Screengrab/@ajeetkcs Twitter)

आतापर्यंत तुम्ही नशेत धिंगाणा करणाऱ्या पुरूषांचे व्हिडीओ पाहिले असतील. पण सध्या जो व्हिडीओ सोशल मीडियावर व्हायरल होतोय त्यात एक तरूणी नशेत धुंद झालेली दिसतेय. या व्हिडीओमध्ये हातात बांगडी घातलेली तरुणी अंमली पदार्थाचे इंजेक्शन घेताना दिसतेय. नशेच्या आहारी इतकी गेलेली आहे की ती सरळ उभी सुद्धा राहू शकत नाही. एवढंच नव्हे तर तिला एक पाऊल पुढे टाकता येत नाही.

मद्यधुंद महिलेचा व्हायरल झालेला हा व्हिडीओ पंजाबमधील अमृतसरमधला असल्याचं सांगण्यात येत आहे. शहराच्या पूर्व विधानसभा क्षेत्रातील मकबूलपुरा इथला हा व्हिडीओ असून एका शेतकरी नेत्याने तो रेकॉर्ड केला आहे. शहरातील हाच परिसर आहे, जिथे काही वर्षांपूर्वी अनेक घरातील तरुणांना ड्रग्जमुळे जीव गमवावा लागला होता. या भागातील अनेक मातांना अंमली पदार्थांमुळे आपल्या मुलांना गमवावे लागले तर अनेक महिला तारुण्यात विधवा झाल्या. हा परिसर ड्रग्जसाठी कुप्रसिद्ध आहे. या परिसराला एकेकाळी विधवांची भूमी म्हटलं जायचं. आजही प्रत्येक घरात कोणता ना कोणता व्यक्ती नशेत पडलेला असतो.

आणखी वाचा : रस्त्यावर काम करून पक्ष्यांची भूक भागवतो हा व्यक्ती, मनाला भावणारा हा VIRAL VIDEO एकदा पाहाच!

आजही या भागातील परिस्थिती फारशी सुधारली नसून अनेक घरातील तरुण आजही अंमली पदार्थांच्या विळख्यात आहेत. येथील तरुण अंमली पदार्थांची विक्री करतात. मात्र त्यावर शासन आणि पोलीस कारवाई करू शकत असल्याचे परिसरातील नागरिकांचे म्हणणे आहे. आपल्या तरुण मुलांचा ड्रग्जमुळे मृत्यू होत असल्याचे कुटुंबीयांनी पाहिले आहे, पण आता महिलाही त्याला अपवाद नाहीत.

आणखी वाचा : VIRAL VIDEO : एका व्यक्तीने असा नागिन डान्स केला की नाग बनून दुसऱ्या माणसाच्या अंगावर उडीच घेतली…

दुसरीकडे, सामाजिक कार्यकर्ते आणि राष्ट्रपती पुरस्कारप्राप्त डॉ. स्वराज ग्रोव्हर म्हणतात की, २०१२ पासून पंजाबमधील प्रत्येक विधानसभा निवडणुकीत अंमली पदार्थांच्या व्यसनाचा मुद्दा संपत आला आहे, परंतु राजकीय पक्षांची आश्वासने केवळ निवडणुकीपुरतीच मर्यादित राहिली आहेत. सत्तेत आल्यानंतर सरकारने याकडे लक्ष दिले आहे, ना लोकप्रतिनिधींनी त्यावर मोठी कारवाई केली आहे.

२०२२ च्या पंजाब विधानसभा निवडणुकीतही आम आदमी पार्टीचे वचन पंजाबमधून ड्रग्ज नष्ट करण्याचे होते, मात्र शहरातील मकबूलपुरा भागातच नव्हे तर इतर अनेक भागात पूर्वीप्रमाणेच अंमली पदार्थांची विक्री सुरू आहे. याचा थेट परिणाम आपल्या तरुण पिढीवर होत आहे, जी लहान वयातच गंभीर आजारांना बळी पडत आहेत.

First published on: 12-09-2022 at 16:50 IST

Web Title: Drug dragged women video viral maqboolpura in amritsar prp

नशेत धुंद महिलेचा VIDEO VIRAL, उभंही राहता येत नव्हतं….