अभिनेता प्रभास आणि अभिनेत्री क्रिती सनॉन स्टारर ‘आदिपूरुष’ सिनेमाची सध्या सर्वत्र चर्चा रंगत आहे. गेल्या अनेक दिवसांपासून सोशल मीडिया आणि चाहत्यांमध्ये चर्चेत असलेला ‘आदिपुरुष’ शुक्रवारी मोठ्या पडद्यावर प्रदर्शित झाला आहे. त्यामुळे ‘आदिपुरुष’ बॉक्स ऑफिसवर किती कोटी रुपयांपर्यंत मजल मारेल हे पाहणं महत्त्वाचं ठरणार आहे. दरम्यान प्रभास स्टारर ‘आदिपुरुष’ चित्रपटाच्या निर्मात्यांनी रिलीजपूर्वी एक मोठी घोषणा केली आहे. निर्मात्यांनी सांगितले की, ‘आदिपुरुष’ च्या स्क्रीनिंग दरम्यान, प्रत्येक थिएटरमध्ये भगवान हनुमानासाठी एक सीट रिकामी ठेवली जाईल, कारण जिथे जिथे रामकथा होते तिथे हनुमान उपस्थित असतात. लोकांची श्रद्धा लक्षात घेऊन निर्मात्यांनी हा निर्णय घेतला आहे.
दरम्यान चित्रपटगृह मालकानेही चित्रपट निर्माते ओम राऊत यांच्या विनंतीनुसार, चित्रपटगृहातील एक सीट भगवान हनुमानासाठी राखीव ठेवली. मात्र, त्याठिकाणी उपस्थित असलेल्यापैकी एक जण त्या खूर्चीवर बसला अन् थिअटरमध्ये एकच गोंधळ उडाला. त्या व्यक्तीला मारहाणही करण्यात आली, आता याचा व्हिडीओ सध्या सोशल मीडियावर व्हायरल होत आहे.
हनुमानासाठी राखीव खुर्चीवर बसला म्हणून मारहाण
आज प्रभासचा बहुप्रतिक्षीत आदिपुरुष चित्रपट रिलीज झाला. जगभरातील चित्रपटगृहांमध्ये मोठ्या संख्येने चाहत्यांच्या गर्दीसह स्क्रीनिंग होत असताना, भगवान हनुमानासाठी राखीव असलेल्या आसनावर बसल्याने एका व्यक्तीवर हल्ला करण्यात आला. या घटनेचा व्हिडिओ सध्या सोशल मीडियावर व्हायरल होत आहे. एका ट्विटर युजरने ही घटना तेलंगणातील हैदराबाद येथील भ्रामरांबा थिएटरमध्ये घडल्याचे म्हटले आहे.
पाहा व्हिडीओ
हेही वाचा – चर्चा तर होणारच! बायकोला चक्क जेसीबीवर बसवून आणलं मांडवात, Video पाहून लावाल डोक्याला हात..
आदिपुरुष या बहुप्रतीक्षित चित्रपटाने आपल्या भव्यतेने आणि चित्तथरारक व्हिज्युअल इफेक्ट्सने चित्रपट पाहणाऱ्यांना मंत्रमुग्ध केले आहे. तथापि, आदिपुरुष चित्रपटाच्या स्क्रिनिंगदरम्यान, काही विलक्षण गोष्टींनी चाहत्यांचे लक्ष वेधून घेतले. या घटनेचा एक व्हिडिओ व्हायरल झाला आहे.
