कधीही चोरू नका, खोटं बोलू नका असं आपल्या लहानपणी आजी आजोबा वेगवेगळ्या गोष्टींमधून शिकवलं असेल. मोठ्यांचा आदर करा, त्यांचं नेहमी ऐकत जा, असे सल्लेही आपल्याला दिले असतील. पण जर आजी आजोबाच हे चूकीची कामे करत असतील तर? होय. सध्या जो व्हिडीओ सोशल मीडियावर व्हायरल होतोय त्यात चक्क आजी आजोबा एका मॉलमध्ये चोरी करताना दिसले. यावेळी कुणीतरी त्यांना चोरी करताना आपल्या मोबाईल कॅमेऱ्यात कैद केलं. याचा व्हिडीओ सध्या वाऱ्यासारखा पसरू लागला आहे. मॉलमध्ये चोरी करणाऱ्या या आजी-आजोबांची कशी पोलखोल झाली? पाहूयात…
सोशल मीडियावर व्हायरल होत असलेल्या या व्हिडीओमध्ये आजी-आजोबा मॉलमधून दुसरं तिसरं काही नाही तर चक्क एक रोपटं चोरताना दिसत आहेत. सुरूवातीला हे दोघेही इकडे तिकडे पाहताना दिसतात. आपल्याकडे आजुबाजूला कुणी पाहत तर नाही ना, याची आधी ते खात्री करतात. त्यांच्यासमोर एक रोपटं दिसून येतंय. आजी-आजोबांची नजर त्या रोपावर असते. मोठ्या शिताफीने आजींनी ते रोपटं हळूच चोरलं आणि आपल्या पिशवीत ठेवून दिलं. त्यानंतर हे आजी-आजोबा आपल्या चेहऱ्यावर असे हावभाव आणतात की जणू काही घडलंच नाही. हा व्हिडीओ पाहण्यासाठी फारच मजेदार आहे.
आणखी वाचा : स्विमिंग पूलमध्ये बुडत होती आई, १० वर्षाच्या मुलाने असा वाचवला जीव, पाहा VIRAL VIDEO
हा मजेदार व्हिडीओ pubity नावाच्या इन्स्टाग्राम अकाउंटवरून शेअर करण्यात आलाय. हा व्हिडीओ लोकांना फार आवडू लागलाय. हा व्हिडीओ पाहून लोकांना हसू आवरता येत नाहीय. “बोनी आणि क्लाइड.” अशी कॅप्शन देत हा व्हिडीओ शेअर करण्यात आलाय. आजी-आजोबांचं हे कृत्य पाहून लोकांना खूप आश्चर्य वाटलं. लोकांनी कमेंट सेक्शनमध्ये आपले विचार मांडले आहेत. एका यूजरने लिहिले की, ही जुनी लूट आहे. दुसर्‍या यूजरने कमेंट केलंय की, “इतक्या सहज…, इतकं परफेक्ट”.
आणखी वाचा : फ्लाइट अटेंडंटने रडणाऱ्या लहान मुलाला शांत केलं…बाळाचा गोंडस VIDEO VIRAL
इथे पाहा हा व्हायरल व्हिडीओ :
आणखी वाचा : एका बाईकवर एक पुरूष, दोन महिला आणि चार मुली, एकूण सात जण बसले, VIRAL VIDEO पाहून थक्क व्हाल!
हा व्हिडीओ इतका व्हायरल झालाय की आतापर्यंत या व्हिडीओला ९ मिलियनपेक्षा जास्त व्ह्यूज मिळाले आहेत. तर ३ लाख ८५ हजारांपेक्षा जास्त लोकांनी या व्हिडीओला लाईक केलंय. लोक या व्हिडीओवर भरभरून व्यक्त होताना दिसत आहेत.
