पाकिस्तानी मुलीने मोदींना लिहिले पत्र

लहोर येथे राहणा-या अकिदाद नावेद नावाच्या मुलींने मोदींना पत्र लिहिले. या पत्रातून तिने उत्तर प्रदेशमधल्या विजयाबद्दल मोदींना शुभेच्छा दिल्या आहेत. ‘माणसांची मने जिंकून घेणे हे सगळ्यात कठीण काम असते पण यासारखे चांगले कामही दुसरे नसते. कदाचित यामुळेच तुम्ही उत्तर प्रदेशची निवडणूक जिंकलात. पण आणखी भारतीय आणि पाकिस्तानी नागरिकांची मने जिंकून घायची असतील तर एक पाऊल पुढे टाकून तुम्ही शांततेसाठी प्रयत्न करायला हवा. दोन्ही देशांना शांतता नांदावी असेच वाटत आहे. तेव्हा शांततेसाठी  प्रयत्न करूयात. या पुढे बंदुका नाही तर पुस्तक खरेदी करूयात, गोळ्या नाही तर गरिबांसाठी औषध खरेदी करू अशा आशयाचे पत्र तिने मोदींना लिहिले असल्याचे दुनिया न्यूज टीव्हीने म्हटले आहे. तिने दोन पानांचे पत्र मोदींना लिहिले आहे. यापूर्वीही तिने परराष्ट्रमंत्री सुषमा स्वराज यांना पत्र लिहिले होते.