रंगिल्या जोडप्याचा टेस्ला कारनामा

चालक नसलेल्या चालत्या कारमध्ये प्रियकरासोबत सेक्स करणाऱ्या एका तरूणीचा व्हिडिओ सध्या इंटरनेटवर धुमाकूळ घालत आहे. हा व्हिडिओ टेस्ला कंपनीच्या कारमध्ये शूट करण्यात आला होता. या मुलीने शरीर संबंधादरम्यान गाडी ऑटो मोडमध्ये ठेवली होती. त्यामुळे चालक नसतानाही ती गाडी इच्छित स्थळाच्या दिशेने मार्गक्रमण करत होती. सध्या हा व्हिडिओ सोशल मीडिआवर मोठ्या प्रमाणावर व्हायरल होत आहे. हा व्हिडिओ टेस्ला कंपनीचे मुख्य कार्यकारी अधिकारी टेलर जॅक्सन यांनी सोशल मीडियावर शेअर केला आहे.

Turns out there’s more ways to use Autopilot than we imagined

— Elon Musk (@elonmusk) 9 May 2019

या व्हिडिओमध्ये आजूबाजूने अनेक गाड्या ये-जा करताना दिसत आहेत. चालत्या कारमध्ये सेक्स करण्याची इच्छा तरूणीच्या मनात निर्माण होते. मग ती आपल्या बॉयफ्रेंडला गाडी ऑटोमोडमध्ये टाकण्यास सांगते आणि तिची शारीरिक संबंध प्रस्थापित करण्याची इच्छा पूर्ण करून घेते. “माझी शरीरसंबंध ठेवण्याची इच्छा टेस्ला कारने पूर्ण केली, त्यामुळे मी या कारचे आभार मानते”, असे तिने या व्हिडिओमध्ये म्हटले आहे. अमेरिकेत विजेवर चालणाऱ्या ऑटो मोड गाड्यांची चलती आहे. यापुढे गाडी चालवण्यासाठी चालकांवर अवलंबून राहण्याची वेळ येऊ नये यासाठी अशा प्रकारच्या गाड्यांची निर्मिती करण्यात येत आहे. एका टेस्ला कारची किंमत ५५ ते ८० लाख रूपये आहे.