“जबाबदारी माणसाला वयाच्या आधीच मोठं करते”, भरउन्हात कष्ट करणाऱ्या लहान मुलाचा ‘हा’ VIDEO पाहून डोळे पाणावतील

जबाबदारी माणसाला सगळं काही शिकवते असं म्हणतात. त्यात गरिबी वाट्याला आली की मेहनत आणि अथक परिश्रमांशिवाय कुठलाच पर्याय उरत नाही. आपल्या पोटाची खळगी भरण्यासाठी अगदी वयाचा विचार न करता आपल्याला पोसणारे पालक जवळ नसले की लहान मुलं पडेल ते काम करतात. सध्या असाच एक व्हिडीओ सोशल मीडियावर मोठ्या प्रमाणात व्हायरल होतोय, ज्यात एक लहानगा भरउन्हात अनवाणी आपल्या पाठीवर भार घेऊन मेहनत करताना दिसतोय.

हेही वाचा… जरा तरी भान ठेवा…, शिक्षिकेने भरवर्गात केली हद्दच पार, VIDEO पाहून नेटकरी संतप्त

व्हायरल व्हिडीओ

व्हिडीओमध्ये मुलाची ही मेहनत पाहून सगळ्यांचेच अश्रू अनावर होतील. यात एक लहान मुलगा आपल्या पोटाची खळगी भरण्यासाठी अपार कष्ट घेताना दिसतो. टेम्पोमधून कांद्याची भली मोठी पिशवी आपल्या खांद्यावर घेऊन दुसऱ्या ठिकाणी ठेवण्यासाठी तो हा भार सोसत चालत जाताना दिसतोय. भरउन्हात पायात चप्पल न घालता तो इतकं काम करतोय. एवढ्या लहान वयातही कष्ट आणि मेहनत करण्याची त्याची हिंमत पाहून अनेकांना आश्चर्य वाटलं आहे.

व्हिडीओची लिंक

https://www.instagram.com/reel/DC4NOFCTdo7/?igsh=M2lxbnhwcHRlczA4

हा व्हायरल व्हिडीओ @deepakyadav9087 या इन्स्टाग्राम अकाउंटवरून शेअर करण्यात आला असून “जबाबदारी माणसाला वयाच्या आधीच मोठं करते” असं कॅप्शन या व्हिडीओला देण्यात आलं आहे.

हेही वाचा… “अशा भक्तीचा काय फायदा…”, दुसऱ्याला दु:ख देऊन स्वत: घेतायत आनंद, हा VIDEO एकदा पाहाच

युजर्सच्या प्रतिक्रिया

व्हिडीओ पाहून अनेकांनी आपल्या प्रतिक्रिया दिल्या आहेत. एका युजरने कमेंट करत लिहिलं, “परिस्थिती माणसाला सगळं काही शिकवते”, तर दुसऱ्याने “लहान वयातच त्याला जबाबदारीची जाणीव झाली” अशी कमेंट केली आहे.

हेही वाचा… …आणि मुलगा म्हणतो बापाने माझ्यासाठी काय केलं? वृद्ध वडिलांचा ‘हा’ VIDEO पाहून डोळ्यात येईल पाणी

दरम्यान, याआधीही असे अनेक व्हिडीओ व्हायरल झाले आहेत, जे पाहून अनेकांचे डोळे पाणावले असतील. सध्या व्हायरल झालेला लहान मुलाचा हा व्हिडीओही चर्चेत आहे.