अमेरिकेच्या भारतातील राजदूतपदी नियुक्ती करण्यात आलेले एरिक गार्सेट्टी (Eric Garcetti) सध्या भारतातील विविध ठिकाणांची भेट घेताना दिसत आहेत. यापूर्वी त्यांनी दिल्ली मेट्रोचा प्रवास अनुभवला होता, तर आता त्यांनी दिल्ली येथील दुर्गा देवीची मूर्ती स्थापन केलेल्या एका मंडळाला भेट दिली आहे. अमेरिकेचे भारतातील राजदूत एरिक गार्सेट्टी यांनी एक व्हिडीओ शेअर केला आहे. काही सुरक्षा कर्मचारी यांच्याबरोबर दिल्लीच्या चित्तरंजन पार्क (सीआर पार्क) येथील एका दुर्गा पूजा मंडळाला त्यांनी भेट दिली. तिथे पोहचताच त्यांचे पारंपरिक खास पद्धतीत स्वागत करण्यात आले. त्यानंतर त्यांनी दुर्गा देवीची पूजा केली आणि मंडळातील सदस्यांसोबत धुनुची नृत्य केलं. दुर्गा पूजेच्या वेळी धुनुची नृत्य केले जाते. धुनुची नृत्य हे देवी दुर्गाला समर्पित केले जाते. त्यानंतर लहान मुलांच्या एका ग्रुपने रंगमंचावर डान्स सादर केला आणि या खास क्षणाचा राजदूत यांनी आपल्या मोबाइलमध्ये व्हिडीओ शूट करून घेतला.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

दुर्गा देवी मंडपाच्या बाहेर काही स्टॉल लावण्यात आले होते. तिथे जाऊन एरिक गार्सेट्टी यांनी झालमुरी म्हणजेच सुखी भेळ खाण्याचा आनंद लुटला. तसेच नंतर बिर्याणी, पुरी आणि मासे व बंगाली मिठाई खाऊन जेवणाचा शेवट केला आणि पुरेपूर आनंद लूटला. सगळ्यात शेवटी या सर्व गोष्टी दाखवणाऱ्या आणि सांगणाऱ्या सर्व मंडळातील लोकांसोबत त्यांनी स्वतःच्या मोबाइलमध्ये सेल्फीसुद्धा घेतला. अमेरिकेचे भारतातील राजदूत एरिक गार्सेट्टी यांनी कशाप्रकारे दुर्गा पूजेचा आनंद लुटला एकदा तुम्हीसुद्धा व्हिडीओतून बघाच…

हेही वाचा…फक्त दोन शिट्टी द्या अन् कुकरमध्ये कडवा तूप; पाहा तूप बनवण्याची नवी पद्धत, Viral Video

व्हिडीओ नक्की बघा :

राजदूत एरिक गार्सेट्टी यांनी दुर्गा पूजेचा अनुभव सांगितला :

अमेरिकेचे भारतातील राजदूत एरिक गार्सेट्टी यांनी दुर्गा देवी स्थापन केलेल्या मंडळाला भेट दिली आणि त्याचा एक व्हिडीओ पोस्ट करून लिहिले की,
शुभो पूजो, सर्वांना! मी दिल्लीतील सीआर पार्कमध्ये दुर्गा देवी मंडळात एक अविश्वसनीय वेळ घालवला आणि सांस्कृतिक उत्सवात सहभागी झालो आणि अर्थातच काही अप्रतिम खाद्यपदार्थांचा आस्वाद घेतला. मी भारतभर वेगवेगळे उत्सव अनुभवतो आहे आणि भारताची अद्भुत, सांस्कृतिक विविधता पाहून मला आश्चर्य वाटत आहे; अश्या सुंदर शब्दात त्यांनी कॅप्शन लिहिले आहे.

राजदूत एरिक गार्सेट्टी यांच्या अधिकृत @USAmbIndia या एक्स (ट्विटर) अकाउंटवरून ही पोस्ट शेअर करण्यात आली आहे. एरिक गार्सेट्टी यांनी व्हिडीओ शेअर करून भारताच्या संस्कृतीचे खास शब्दात कॅप्शनमध्ये वर्णन केले आहे.व्हिडीओ पाहून, राजदूत एरिक गार्सेट्टी दुर्गा पूजेचा आनंद घेत आहेत हे पाहून काही जण त्यांचे कौतुक करत आहेत.तसेच अनेक जण राजदूत एरिक गार्सेट्टी यांच्या धुनुची नृत्याची प्रशंसा करताना कमेंटमध्ये दिसून आले आहेत.