Viral Video : सध्या पावसाळा सुरू झाला आहे. लोक निसर्ग न्याहाळण्यासाठी घराबाहेर पडत आहे. डोंगर, नदी, झरे, धबधबे किल्ले इत्यादी ठिकाणी भेट देत आहे. अशातच सोशल मीडियावर अनेक जण नदी नाल्यात वाहून जात असल्याचा बातम्या सुद्धा समोर येत आहे. त्यामुळे लोकांना पाण्याच्या ठिकाणी जाताना काळजी घेण्याचे आवाहन केले जात आहे तरीसुद्धा अशा घटना कमी होताना दिसत नाही.
सध्या असाच एक व्हिडीओ समोर आला आहे. या व्हिडीओमध्ये एका धबधब्याच्या ठिकाणी एक महिला अडकलेली दिसत आहे. या महिलेचे नशीब चांगले की तिला तेथील स्थानिक लोकांनी पाण्यातून बाहेर काढले. सध्या हा व्हिडीओ चांगलाच व्हायरल होत आहे. (everytime people cannot run to save you a woman was lucky was rescued by local people at waterfall shocking video goes viral)
नशीबवान होती महिला, मदतीला धावून आले लोक
या व्हायरल व्हिडीओमध्ये तुम्हाला दिसेल की एक महिला हातात चप्पल आणि खांद्यावर बॅग घेऊन धबधब्याच्या ठिकाणी ओसंडून वाहणाऱ्या पाण्यात अडकलेली दिसत आहे. तेव्हा दोन स्थानिक लोक धावून येतात आणि त्या महिलेला पाण्यातून सुखरूप बाहेर काढतात. धबधब्यातून ओसंडून वाहणारे पाणी पाहून तुमच्याही अंगावर काटा येईल. सध्या हा व्हिडीओ चांगलाच व्हायरल होत आहे.
पाहा व्हायरल व्हिडीओ
https://www.instagram.com/reel/C87F0a7vrz0/?igsh=bG9qNWFrb2RhbXBo
vashu.gupta.vlog या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “किती धोकादायक दृश्य आहे, पाहा कसे वाचविले महिलेला, तुम्ही स्वत: पाहा”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “दोन्ही भावाला खूप मोठा सलाम आणि त्यांचे मनापासून आभार” तर एका युजरने लिहिलेय, “इतक्या पावसात कोण जातात फिरायला. स्वत:चा जीव स्वत:च गमावतात. दरवर्षी अनेक घटना घडतात. सर्व काही बघतात तरीसुद्धा लोक आंधळे म्हणून वागतात.” महिलेच्या हातातील चप्पल पाहून एका युजरने खोचकपणे लिहिलेय, “जीव गेला तरी चालेल पण चप्पल जाऊ नये” अनेक युजर्सनी व्हिडीओ पाहून संताप व्यक्त केला आहे.
