Jaya Kishori Viral Photo : आध्यात्मिक प्रवचनकार, कथाकार व प्रेरणादायी व्याख्यात्या जया किशोरी अलीकडेच एका लक्झरी बॅगमुळे चांगल्याच चर्चेत आल्या होत्या. ती चर्चा थांबत नाही, तोवर एका नव्या कारणामुळे त्या ट्रेंड होत आहेत. लाइटहाऊस जर्नलिझमला जया किशोरी यांचा एक फोटो सोशल मीडियावर तुफान व्हायरल होताना दिसत आहेत. ज्यामध्ये त्यांनी मॉडेलिंग सुरू केल्याचा दावा केला जात आहे. जया किशोरी यांच्या या नव्या फोटोंमुळे आता अनेक चर्चांना उधाण आले आहे. पण खरंच त्यांनी मॉडेलिंग क्षेत्रात पाऊल ठेवले का? याविषयी आम्ही जाणून घेण्याचा प्रयत्न केला, तेव्हा एक वेगळेच सत्य समोर आले; जे काय होते ते आपण जाणून घेऊ….
काय व्हायरल होत आहे?
क्षत्रिया नावाच्या एका एक्स युजरने तिच्या अकाउंटवरून एक फोटो शेअर केला आहे.
इतर युजर्सदेखील तोच फोटो शेअर करीत आहेत.
हेही वाचा – Free Aadhaar update: उरले फक्त ४ दिवस, आधारकार्डशी संबंधित ‘हे’ काम पटापट करा, अन्यथा…;
तपास :
हा फोटो एआय निर्मित आहे हे आम्हाला सूचित करणारी पहिली गोष्ट दिसली आणि ती म्हणजे हा फोटो अगदीच दोषरहित म्हणजे परफेक्ट, असा होता.
त्यानंतर आम्ही काही एआय डिटेक्टरद्वारे फोटोची तपासणी केली.
तेव्हा HIVE मॉडरेशनने सुचवले की, हा फोटो एक तर AI-निर्मित किंवा डीपफेक असावा.
ऑप्टिक AI किंवा Not AI डिटेक्टर टूलने आउटपुट दिले की, तो फोटो AI द्वारेच तयार केला आहे.
दुसऱ्या एका डिटेक्टरने पुन्हा हा फोटो तपासला तेव्हा त्यातून असा निष्कर्ष निघाला की, फोटो एक तर संगणकावर तयार केला गेला असावा किंवा मूळ फोटोत छेडछाड करून हा फोटो तयार करण्यात आला असावा.
त्यानंतर आम्ही sightengine.com वापरूनदेखील फोटो तपासला. यावेळी डिटेक्टरने सुचवले की, फोटो GenAI वापरून बनवला गेला आहे, तसेच त्यासाठी स्टेबल डिफ्युशनचा वापर केला गेला आहे.
निष्कर्ष :
आध्यात्मिक प्रवचनकार, कथाकार व प्रेरणादायी व्याख्यात्या जया किशोरी मॉडेलिंग क्षेत्रात उतरल्या, असा दावा करीत व्हायरल केला जाणारा फोटो बनावट आहे. तो फोटो एआय निर्मित किंवा एडिटिंग टूल्सचा वापर करून बनवला गेला आहे. त्यामुळे व्हायरल झालेला फोटो दिशाभूल करणारा आहे.
