Fact check of dilapidated bridge Viral Photo: सोशल मीडियावर नेहमी असंख्य फोटो व्हायरल होत असतात. पण, काही जण चुकीची माहिती देऊन लोकांची दिशाभूल करतात. सध्या लाइटहाउस जर्नलिझमला सोशल मीडिया प्लॅटफॉर्मवर एक असा फोटो सापडला आहे, जिथे एक पूल जीर्ण अवस्थेत दिसत होता.
जीर्ण पूल भारतातील असल्याचा दावाही या फोटोसह केला जात होता. काही पोस्टमध्ये हा पूल २०१४ नंतर बांधण्यात आला असल्याचा दावा केला जात होता. तपासादरम्यान हा फोटो भारतातील नसून बांगलादेशातील आहे हे आढळून आले.
काय होत आहे व्हायरल?
X वापरकर्ता आकिब अन्वरने त्याच्या हँडलवर एक भ्रामक दावा करत फोटो शेअर केला आहे.
या पोस्ट चा आर्काइव्ह व्हर्जन इथे बघा.
https://archive.ph/jL4VD
इतर वापरकर्ते देखील दिशाभूल करणारा दावा शेअर करत आहेत.
तपास:
आम्ही इमेजवर रिव्हर्स इमेज सर्च करून तपास सुरू केला.
Dailyswadhinbangla.com या वेबसाइटवरील लेखात आम्हाला असाच एक फोटो आढळला.
https://www.dailyswadhinbangla.com/details.php?id=5572568
रिपोर्टचे शीर्षक होते (अनुवाद) : अमतालीचा जोड पूल जणू मृत्यूचा सापळाच आहे.
हा अहवाल १९ फेब्रुवारी २०२२ रोजी प्रकाशित झाला होता. त्यात नमूद केले आहे : बरगुना येथील अमताली उपजिल्हामधील चावरा आणि हल्दिया युनियनला जोडणारा लोखंडी पूल अत्यंत दयनीय झाला आहे, पूल तुटला आहे. हा धोकादायक पूल ओलांडण्यासाठी दोन्ही युनियनच्या १५ हजार नागरिकांना दररोज त्रास सहन करावा लागत आहे.
आम्हाला आढळले की, रिपोर्टमध्ये नमूद केलेले प्रदेश बांगलादेशातील आहेत.
आम्हाला thedailystar.net वेबसाइटवर जीर्ण पुलाचा फोटोदेखील आढळला.
https://www.thedailystar.net/country/news/seven-deadly-bridges-four-unions-2116225
mzamin.com या वेबसाईटवरदेखील आम्हाला पुलाचा फोटो मिळाला.
https://mzamin.com/news.php?news=116333
रिपोर्टचे शीर्षक होते : अमतालीतील १९ धोकादायक पूल, लाखो लोकांमध्ये भीती.
ही बातमी जून, २०२४ मध्ये प्रकाशित झाली होती. त्याचप्रमाणे जुलै २०२४ मध्ये प्रकाशित झालेल्या आणखी एका अहवालात, kalerkantho.com मध्येदेखील असाच फोटो जोडला गेला आहे, जो भारतातील पुलाचा असल्याचा दावा करत मोठ्या प्रमाणावर शेअर केला जात आहे.
https://www.kalerkantho.com/online/country-news/2024/07/01/1402158
निष्कर्ष: बांगलादेशातील जीर्ण पुलाचा फोटो भारतातील असल्याचा सांगून व्हायरल केला जात आहे. व्हायरल दावा दिशाभूल करणारा आहे.
© IE Online Media Services (P) Ltd