Tirupati Balaji Pujari Fact check : लाईटहाऊस जर्नलिझमला सोशल मीडिया प्लॅटफॉर्मवर तिरुपती बालाजी मंदिराशी संबंधित एक व्हिडीओ मोठ्या प्रमाणात व्हायरल होत असल्याचे आढळून आले. या व्हिडीओत तिरुपती बालाजी मंदिरातील एका पुजाऱ्याच्या घरातून १२८ किलोपेक्षा जास्त सोने, १५० कोटी रुपये रोकड आणि ७० कोटींचे हिरे जप्त केल्याचा दावा करण्यात आला. या व्हिडीओमध्ये पोलिस ठाण्यामधील एका टेबलवर मोठ्या प्रमाणात सोन्याचे दागिने पसरवून ठेवल्याचे दिसत आहेत. तर आजूबाजूला अनेक लोक आणि पोलिसही उभे असल्याचे दिसतेय. दरम्यान, हाच व्हिडीओ तिरुपती बालाजी मंदिरातील पुजाऱ्याच्या घरातून जप्त केलेल्या दागिन्यांचा असल्याचे सांगून व्हायरल केला जात आहे; पण आम्ही जेव्हा व्हिडीओची सत्यता जाणून घेण्याचा प्रयत्न केला तेव्हा एक वेगळीच माहिती समोर आली, ती नेमकी काय आहे जाणून घेऊ….
काय होत आहे व्हायरल?
एक्स युजर @SanjuSaran_ने तिच्या अकाउंटवर हा व्हायरल व्हिडीओ शेअर केला आहे.
इतर युजर्सदेखील अशाच दाव्यांसह व्हिडीओ शेअर करत आहेत.
तपास :
आम्ही पोस्टच्या कमेंट सेक्शनचे निरीक्षण करून तपासाची सुरुवात केली आणि अनेक सोशल मीडिया युजर्सनी शेअर केलेला व्हिडीओ खोटा असल्याचे आणि तो तामिळनाडूच्या वेल्लोरमधील दरोड्याचा असल्याचे म्हटले आहे.
कीवर्ड सर्च केल्यावर आम्हाला २०२१ मधील या घटनेबद्दल बातम्या सापडल्या.
वापरलेले फोटो व्हायरल व्हिडीओतील फोटोंशीच मिळते- जुळते होते.
या बातमीत म्हटले आहे (भाषांतर) : पोलिसांनी १५ डिसेंबर रोजी वेल्लोरमधील एका लोकप्रिय दागिन्यांच्या शोरूममध्ये झालेल्या दरोड्याच्या प्रकरणी सोमवारी एका आरोपीला अटक केली, यावेळी ओडुकाथूरमधील एका दफनभूमीतून आठ कोटी रुपयांचे १५.९ किलो चोरीचे सोने आणि हिरे जप्त केल्याचा दावा केला आहे.
२० डिसेंबर २०२१ रोजी पोस्ट केलेल्या पत्रकार महालिंगम पोनुसामी यांच्या एक्स प्रोफाइलवर आम्हाला असाच एक व्हिडीओ सापडला.
आम्हाला दरोड्याचे काही व्हिडीओ रिपोर्ट्सदेखील सापडले.
दरोड्याची ही घटना सीसीटीव्ही कॅमेऱ्यातही कैद झाली आहे: https://www.youtube.com/watch?v=y1B_ULjKVaU
अलीकडे कोणत्याही तिरुपती मंदिराच्या पुजाऱ्याच्या घरावर छापा टाकल्याची बातमी सापडली नाही.
निष्कर्ष :
तामिळनाडूतील वेल्लोर येथे दागिन्यांच्या शोरूममध्ये दरोडा टाकल्यानंतर जप्त केलेल्या सोन्याचा व्हिडीओ पुन्हा एकदा तिरुपती मंदिराच्या पुजाऱ्याच्या घरावर छापा टाकल्याच्या खोट्या दाव्यांसह व्हायरल केला जात आहे, त्यामुळे व्हायरल दावा दिशाभूल करणारा आणि खोटा आहे.
