शेतकऱ्यांनो, पावसाळ्यात टॅक्टर चालवताना काळजी घ्या; सीट खाली लपून बसला होता साप, पाहा थरारक Video

शेतकरी होणं सोपी गोष्ट नाही. ऊन, पाऊस, वारा झेलत शेतकरी दिवस रात्र शेतामध्ये कष्ट करत राहातो. शेती करताना शेतकऱ्याला अनेक संकटाचा सामना करावा लागतो कधी पक्ष्यांपासून पिकाचं रक्षण करावे लागते तर कधी शेतात लपलेल्या सापापासून स्वत:चा जीव वाचवावा लागतो. पावसाळ्यात मानवी वस्तीमध्ये साप शिरतात त्यामुळे सावगिरी बाळगावी लागते. शेतकऱ्यांना देखील सर्पदंश होऊ नये साठी काळजी घेत आहे. सध्या सोशल मीडियावर एक व्हिडीओ व्हायरल होत आहे ज्यामध्ये एका शेतात उभ्या असलेल्या टॅक्टरच्या सीटमध्ये साप लपून बसल्याचे आढळून आले आहे. व्हिडीओमध्ये दिसते की एक सप्रमित्र सापाला पकडण्याचा प्रयत्न करत आहे. हा सर्पमित्र टॅक्टरचे सीट उचून जमिनीवर ठेवतो, तेवढ्यात सीटमध्ये लपलेला साप सळसळत बाहेर पडतो. साप पुन्हा टॅक्टरच्या टाकामध्ये जाऊन लपतो. सर्पमित्र अत्यंत चतुराईने सापाला ओढून बाहेर काढतो. सापला पकडण्यासाठी त्यांने हातात एक काठी देखील पकडलेली दिसत आहे ज्याच्या मदतीने तो सापाला स्वत:पासून दूर ठेवतो. सापाला एका प्लास्टिकच्या बरणीमध्ये ठेवण्याचा तो प्रयत्न करतो आहे.

हेही वाचा – खेळ जीवन-मृत्यूचा! जीव वाचवण्यासाठी माकडाने लढवली शक्कल, एका फांदीवरून दुसऱ्या फांदीवर उड्या मारत राहिला बिबट्या, पाहा Viral Video

व्हायरल व्हिडीओ पाहून नेटकऱ्यांना धक्का बसला आहे. दरम्यान शेतकरी बांधवाना पावसाळ्यात सापापासून स्वत:चे रक्षण करण्यासाठी सावध राहण्याचे आवाहन केले जाते. व्हिडीओ सोशल मीडियावर तुफान व्हायरल झाला आहे. व्हिडीओ पाहून शेतकरी बांधवाना साप आढळल्याचे आपले अनुभव शेअर केले आहेत. एकाने कमेंट करून सांगितले की, “असाच प्रकार ७ वर्षापूर्वीच माझ्याबरोबर झाला होता.”

हेही वाचा –PHOTO: “नमस्कार मी पुणेकर, कृपया जोडप्यांनी…” पुण्यातल्या रिक्षातली भन्नाट पाटी व्हायरल; वाचून पोट धरुन हसाल

काहींनी गंमतीने म्हटले की, “फारचं टॅक्टर प्रेमी साप दिसतोय”

तर दुसऱ्याने म्हटले की, “भावा, साप हा शेतकऱ्याचा मित्र आहे, आम्हाला भिती वाटत नाही त्याची” त्यानंतर एकाने म्हटले की, भाऊ काम करताना स्वत:ची पण काळजी घ्या.”