Woman Crazy Dance In Hospital : शाहरुख खान स्टारर जवान चित्रपटाने गेल्या काही दिवसांपासून बॉक्स ऑफिसवर धुमाकूळ घातला आहे. अनेक ठिकाणी शाहरुखचे पोस्टर्स आणि बॅनर्स झळकत आहेत. जवान चित्रपटाशी संबंधित व्हिडीओ आणि फोटो सोशल मीडियावर व्हायरल होत आहेत. या चित्रपटाने जगभरातून ६०० कोटींहून अधिक रुपयांची कमाई केलीय. चित्रपटाचं चलेया आणि जिंदा बंदा गाण्याची लोकांना भुरळ पडली आहे. अशातच शाहरुखच्या खानच्या जबरा फॅनचा व्हिडीओ समोर आला आहे. शाहरुखचं गाणं सुरु होताच एक महिला रुग्ण बेडवरुन उठली आणि चक्क डान्स करु लागली. महिलेचा हा मजेशीर व्हिडीओ इन्स्टाग्रामवर व्हायरल झाला आहे.
एका महिला रुग्णाचा सलाईन लावलेली असताना चलेया गाण्यावर डान्स केल्याचा व्हिडीओ तुफान व्हायरल झाला आहे. या व्हिडीओत तुम्ही पाहू शकता की, महिला रुग्ण शाहरुख खानचं गाणं सुरु होताच भन्नाट डान्स करते. रुग्णालयात सलाईन लावलेली असतानाही या तरुणीला शाहरुखच्या गाण्यावर नाचण्याचा मोह आवरला नाही. तरुणीने व्हिडीओ शेअर करत कॅप्शनमध्ये लिहिलं, शाहरुख खानकडे रुग्णांना बरं करण्याची शक्ती आहे. एसआरकेनं मला रुग्णालयात स्वस्थ ठेवलं. व्हिडीओ व्हायरल होताच आतापर्यंत या व्हिडीओला ९० हजारांहून अधिक लाईक्स मिळाले आहेत.
इथे पाहा तरुणीच्या डान्सचा भन्नाट व्हिडीओ
तरुणीच्या या व्हिडीओला सोशल मीडिया यूजर्सने मजेशीर प्रतिक्रियांचा वर्षाव केला आहे. एका यूजरने प्रतिक्रिया देत म्हटलंय, नर्स बोलली असेल की, मी तर इंजेक्शन द्यायला आली होती. दुसऱ्या यूजरने म्हटलं, लवकर बरी हो, तुला या गाण्यावर डान्स करताना पाहून मला खूप चांगलं वाटत आहे. तर अन्य एका यूजरने म्हटलं, डान्स लवकर संपव..इंजेक्शनही मारायचा आहे.
