Spider play dead while sex: सेक्स या विषयावर अनेक जण बोलायला टाळाटाळ करत असले तरी, हा माणसांप्रमाणे प्राण्याच्या जिवनाचाही अविभाज्य घटक आहे. माणसांप्रमाणे प्राणी, पक्षी आणि किटकांचंही एक वेगळं जग असतं. ज्याप्रमाणे माणसाने जगण्यासाठी काही नियम आखले आहेत तसेच प्राण्यांचेही नियम आहेत. कोळ्यांच्या काही प्रजातींमध्ये सेक्सनंतर मादी नराची शिकार करते. यामुळे नर कोळी आपलं रक्षण करण्यासाठी वेगवेगळे मार्ग शोधत असतात.
नर कोळी आपले आकर्षक रंग दाखवून मादीला आकर्षित करतात
नर कोळी आकाराने मादीपेक्षा लहान असतो. पूर्ण वाढलेला नर आपले शुक्राणू पादमृशाच्या शेवटच्या खंडावरील फुगवट्यातील नागमोडी नलिकेत साठवून ठेवतात. काही आपले आकर्षक रंग दाखवून मादीला आकर्षित करतात. इतर काही मादीला आपण केलेली शिकार देऊन खूष करतात. प्रौढ नराच्या पादमृशाच्या शेवटच्या खंडावर त्याच्या प्रजनन संस्थेशी संबंधित एक इंद्रियप्रवेशी अंग असते. अत्यंत सावधपणे तिच्याजवळ जाऊन नर आपल्या पादमृशावरील खंडात साठवून ठेवलेले शुक्राणू तिच्या जननेंद्रियात सोडून तात्काळ दूर जातात.
मादी कोळी शरिरसंबंध ठेवताना मेल्याचं नाटक करतात
पण मादी कोळी या जास्त स्मार्ट असतात. असं सांगतात की, मादी कोळी या शरिरसंबंध ठेवताना मेल्याचं नाटक करतात. एका अभ्यासानुसार, फनल कोळी सेक्स करताना अजब पद्धतीने वागतात. सेक्स करताना त्या आपण मेलो आहोत असं नाटक करतात. जेणेकरुन नर कोळ्याला आपल्याला मादी कोळीपासून काहीच धोका नाही असं वाटतं. कारण सेक्सनंतर मादी कोळी लगेच नर कोळीला खाऊन टाकते. त्यातच काही प्रजाती अजब पद्धतीने वागत आहेत. याला सेक्सुअल कैटालेप्सीअसं म्हटलं जातं. यामध्ये मादी आपले पाय वाकवते आणि स्थिर अवस्थेत राहते. यामुळे ती मेली आहे असं वाटतं. यामुळे नराला आता आपल्यावर हल्ला होणार याची चिंता राहत नाही आणि ते सेक्स करतात.
हेही वाचा – Viral Video: चिखलात लपून बसलेल्या मगरीचा भयानक हल्ला; पण ‘त्या’ एका चुकीमुळे फसला खेळ
हा अभ्यास करंट जूलॉजी जर्नलमध्ये प्रकाशित करण्यात आला आहे.
