Viral video: सोशल मीडियावर रोज अनेक फोटो, व्हिडीओ व्हायरल होत असतात. त्यातील काही आपल्याला पोट धरून हसवणारे तर काही थक्क करणारे असतात, असाच एक व्हिडीओ सध्या प्रचंड व्हायरल होत आहे. या व्हिडीओमध्ये आजोबा या वयातही जोर बैठका मारत आहेत. त्यांचा उत्साह हा तरुणाईला लाजवेल असा आहे. उत्साहाला कशाचेच बंधन नसते, अगदी वयाचेही नाही याचाच प्रत्यय सध्या व्हायरल होणाऱ्या या व्हिडीओतून येत आहे.या आजोबांचा उत्साह आणि वर्कआऊट अगदी तरुणाईलाही लाजवेल असा आहे. आतापर्यंत अनेक लोकांना हा व्हिडीओ पाहून या आजोबांचं कौतुक केलं आहे. हा व्हिडीओ पाहून तुम्हीही थक्क व्हाल. आम्ही असं का म्हणतोय, याचा अंदाज तुम्हाला हा व्हायरल झालेला व्हिडीओ पाहिल्यावर येईल. या आजोबांचं वर्कआऊट पाहून तुम्हीही तोंडात बोटं घातल्याशिवाय राहणार नाही.
साधारणपणे तरुणांमध्ये फिटनेसची प्रचंड क्रेझ पाहायला मिळतो. यासाठी ते जिम, कार्डिओ याशिवाय वेगवेगळे वर्कआउट करतात. सोशल मीडियावर व्हायरल होत असलेल्या व्हिडीओमध्ये आजोबा दिसत आहेत. हे आजोबा मोकळ्या जागेत व्यायाम करत आहेत. या वयात जोर मारणे कोणत्याही साध्या व्यक्तीला जमणार नाही असं आहे. यावरुन तारुण्यात ते किती फिट असतील आणि त्यांची मेहनत स्पष्ट दिसते. सध्या हा व्हिडीओ सोशल मीडियावर सर्वांचे लक्ष वेधून घेत आहे. व्हिडीओ पाहिल्यानंतर युजर्स चकित झाले आहेत. आयुष्याच्या प्रत्येक टप्प्यात वेगवेगळे अनुभव घेतले असणारी वृद्ध मंडळी आयुष्याच्या शेवटच्या टप्प्यात अशी उत्साही दिसली की बघणाऱ्यालाही प्रसन्न वाटतं.
पाहा व्हिडीओ
हेही वाचा >> फळ-भाजी विक्रेते तराजूने कशी फसवणूक करतात बघा; पुढच्या वेळी नुकसान टाळायचं असेल तर ‘हा’ VIDEO पाहाच
हा व्हिडीओ नेमका कुठला आहे, याबाबात माहिती मिळू शकलेली नाही. व्हिडीओ इन्स्टाग्रामवर charchatarhonar या पेजवर अपलोड करण्यात आला आहे. “नाद…वयात काय ठेवलं आहे अंगात कसा आणखी जोर आहे” असं कॅप्शन व्हिडीओला दिलं आहे.
हा व्हिडीओ सोशल मीडियावर येताच तो काही क्षणांत व्हायरल झालाय. लोक या व्हिडीओला आवडीने पाहत असून लाईक आणि शेअर करत आहेत. हा व्हिडीओ पाहिल्यानंतर लोक तो पुढे सोशल मीडियावरील इतर प्लॅटफॉर्मवर शेअर करत आहेत. हा व्हिडीओ इतका व्हायरल झालाय की आतापर्यंत या व्हिडीओला लाखो व्ह्यूज मिळाले आहेत. या व्हिडीओवर नेटकरी मजेदार कमेंट्स करत आहेत. या वयातदेखील आजोबांचा उत्साह वाखाणण्याजोगा आहे, अशी प्रतिक्रिया एका नेटकऱ्याने दिली आहे. हा व्हिडीओ पाहून तुम्हीही आजोबांचं कौतुक कराल.
