Social Media Viral Video : सध्याचा काळ हा AI चा आहे. AI म्हणजे आर्टिफिशियल इंटेलिजन्स. AI च्या मदतीने कुठलाही फोटो डेव्हलप करता येतो. एका AI आर्टिस्ट एक सुंदर फोटो तयार केला आहे. या फोटोंमध्ये हे पाहण्यास मिळतं की पाच वर्षांची मुलगी ९५ वर्षांची होईपर्यंत कशी दिसेल? एका फोटोचा ३० सेकंदांचा व्हिडीओ पोस्ट केला आहे. हा व्हिडीओ आनंद महिंद्रांनी पोस्ट केला आहे आणि एक भीती व्यक्त केली आहे.
काय म्हटलं आहे आनंद महिंद्रांनी?
प्रसिद्ध उद्योजक आनंद महिंद्रांनी हा व्हिडीओ पोस्ट केला आहे. आनंद महिंद्रांनी हा व्हिडीओ शेअर केला आणि त्यावर आता लोकही प्रतिक्रिया देऊ लागले आहेत. खुद्द आनंद महिंद्रांनी यावर प्रतिक्रिया दिली आहे. आनंद महिंद्रा म्हणतात “AI ची ताकद अद्भुत आहे. हा व्हिडीओ मी पाहिला. पाच वर्षांची मुलगी ९५ वर्षांची होईपर्यंतचे पोट्रेट तयार केलं गेलं. पाच वर्षांची मुलगी काही सेकंदांत ९५ वर्षांची झालेली दिसते आहे. मी आर्टिफिशियल इंटेलिजन्सला घाबरत नाही. कारण या तंत्रज्ञानाची ताकद अद्भुत आहे.
आनंद महिंद्रांनी हा व्हिडीओ पोस्ट केला आहे. या मुलीचा हा व्हिडीओ चांगलाच व्हायरल झाला आहे. अवघ्या तीस सेकंदात आपल्याला पाच वर्षांची मुलगी ९५ वर्षांची होते हे पाहण्यास मिळते आहे. फोटोत दिसणारी पाच वर्षांची मुलगी दिसायला खूप सुंदर आहे. हा व्हिडीओ पोस्ट केल्यानंतर तिच्यात वयाच्या ९५ व्या वर्षांपर्यंत कसे बदल होतात? ते दाखवण्यात आलं आहे. पाच वर्षांची मुलगी १० वर्षांची, १५ वर्षांची, २० वर्षांची त्यानंतर शेवटी ९५ वर्षांची होते. या संदर्भातला फोटोही व्हायरल झाला आहे. याबाबत आनंद महिंद्रांनी आनंद व्यक्त केला आहे.
