ऑम्लेट हा अनेकांचा आवडता नाश्ता असतो. प्रत्येक व्यक्तीला जेवणातील इतर पदार्थ येत नसले, तरी ऑम्लेट मात्र बनवता येतेच. कारण ऑम्लेट बनवणे अगदी सोपे असते आणि ते पटकन बनवता येते. ते बनवण्याच्या पद्धतीही वेगवेगळ्या असतात. पण सध्या व्हायरल होणाऱ्या व्हिडीओतील पद्धत पाहून तुम्हीही चकित व्हाल. काय आहे ही पद्धत जाणून घ्या.
व्हायरल होणारा हा व्हिडीओ ‘इटिंग फूड रेसेपिज’ या इन्स्टाग्राम अकाउंटवरून शेअर करण्यात आला आहे. या व्हिडीओमध्ये चक्क चिप्सच्या पाकिटात ऑम्लेट तयार केल्याचे दिसत आहे. व्हिडीओमध्ये दाखवल्याप्रमाणे एक लेसचे चिप्सचे पाकीट घेऊन त्यातील वेफरचे बारीक तुकडे करण्यात आले. त्यानंतर त्यात अंडे फोडुन टाकण्यात आले, कांदा आणि मिठही टाकण्यात आले. सगळ्या गोष्टी नीट मिसळण्यात आल्या, त्यानंतर पॅकेटला एक चिमटा लावण्यात आला. नंतर हे पॅकेट उकळत्या पाण्यात ठेवण्यात आले आणि त्यात थोड्या वेळाने ऑम्लेट तयार झाले. पाहा व्हायरल होणारा हा व्हिडीओ.
व्हायरल व्हिडीओ:
व्हायरल होणाऱ्या व्हिडीओमध्ये एक अनोखी पद्धत दिसत आहे. पण या पद्धतीवर नेटकऱ्यांनी नाराजी व्यक्त केले आहे, चिप्स पॅकेटसाठी वापरण्यात येणारा कागद आरोग्यासाठी चांगला नसल्याचे तसेच या पॅकेटच्या स्वच्छतेबाबत अनेकांनी शंका व्यक्त केली आहे.
