VIDEO : बापरे! चिमुकलीच्या अंगावर पडला भलामोठा फ्रिज, अंगावर काटा आणणारा व्हिडीओ व्हायरल

चिमुकलीच्या अंगावर पडला भलामोठा फ्रिज

हा व्हायरल व्हिडीओ एका दुकानातील आहे. या व्हिडीओमध्ये तुम्हाला दिसेल की एक मुलगा सुरुवातीला फ्रिजजवळ येतो आणि फ्रिज उघडतो. त्यानंतर चिमुकली सुद्धा येते आणि ती सुद्धा फ्रिजचा दरवाजा उघडते. फ्रिजचा दरवाजा उघडल्यानंतरही ती दरवाज्याला स्वत:कडे ओढण्याचा प्रयत्न करते. पुढे तिच्या अंगावर भला मोठा फ्रिज पडतो. लगेच बाजूला उभा असलेला मुलगा ओरडतो आणि लोक धावून येतात आणि या चिमुकलीच्या अंगावरील फ्रिज उचलतात. सुदैवाने बाजूला उभा असलेल्या मुलाला कोणतीही दुखापत होत नाही. त्यानंतर हा व्हिडीओ येथेच संपतो. हा व्हिडीओ पाहून कोणाच्याही अंगावर काटा येईल.

हेही वाचा : “ससा तो ससा की कापूस जसा, त्याने कासवाशी पैज लाविली…”, गोष्ट नव्हे प्रत्यक्षात रंगली शर्यत; कोण जिंकले ते पाहा Viral Videoमध्ये

पाहा व्हायरल व्हिडीओ (Video Viral)

Dead Guy Hub या एक्स अकाउंटवरून हा व्हिडीओ शेअर करण्यात आला असून या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “मला आशा आहे की ती ठीक असेल. नशीब चांगले की फ्रिजचे दरवाजे उघडे होते.” तर एका युजरने लिहिलेय, “जेव्हा मोठे आजुबाजूला नसतात तेव्हा लहान मुले असे वागतात” आणखी एका युजरने लिहिलेय, “याच कारणामुळे लहान मुलांना कधीही एकटे सोडू नये.”

हेही वाचा : Sadhguru : अबब! सदगुरुंच्या पायाच्या फोटोची तब्बल ‘इतक्या’ किमतीत ऑनलाइन विक्री; नेटिझन्स म्हणाले, “पूर्वी दक्षिणा घेत होते, आता…”

काही दिवसांपूर्वी असाच एक व्हिडीओ व्हायरल झाला होता. त्या व्हिडीओमध्ये एक चिमुकली रस्त्यावरून पळताना ट्रकखाली चिरडली होती. अनेकदा लहान मुले कोणताही विचार न करता रस्ता ओलांडताना दिसतात. अशात पालकांनी लहान मुलांची काळजी घेणे गरजेचे आहे. ही घटना उज्जैन येथील होती. हा व्हिडीओ पाहून सर्वांना धक्का बसला होता.