Funny Video to clear traffic: सोशल मीडियावर नेहमी अनेक प्रकारचे व्हिडिओ व्हायरल होत असतात. यातील अनेक व्हिडिओ मजेशीर असतात. हे व्हिडीओ पाहून नेमकी काय प्रतिक्रिया द्यावी हेच कळत नाही.
ट्रॅफिक आणि मुंबई यांचं एक वेगळंच नात आहे. सकाळ असो दुपार असो वा संध्याकाळ कुठे ना कुठे ट्रॅफिकमध्ये माणसं अडकतातच आणि जरी उशीर झाला तरी त्यावर काही पर्याय नसतो. पण जर तुम्ही असंच ट्रॅफिकमध्ये अडकला असाल आणि तुम्हाला लवकर इच्छित स्थळी पोहोचायचं असेल तर हा व्हिडीओ एकदा पाहाच.
सध्या सोशल मीडियावर एक व्हिडीओ व्हायरल होतोय, ज्यात एका तरुणाने युक्ती लढवून ट्रॅफिक तर क्लिअर केलंच पण स्वत:ला हवी ती बस पण लगेच पकडली. नेमका असा काय जुगाड केला तरुणाने पाहाच…
दोन मिनिटांत ट्रॅफिक केलं क्लिअर
सोशल मीडियावर व्हायरल झालेला व्हिडीओ पाहून नक्कीच हशा पिकेल. या व्हिडीओमध्ये एक तरुण मुलगा आपलं काम सोडून रस्त्याच्या मधोमध उभं राहून ट्रॅफिक क्लिअर करण्यासाठी सगळ्यांची मदत करताना दिसतोय. सगळे त्याचं ऐकतानाही दिसत आहेत. ट्रॅफिक पोलीस तिथे हजर नसल्याने सगळी जबाबदारी या तरुणाने आपल्या खांद्यावर घेतल्याची या व्हिडीओत आपण पाहू शकतो. पण या सगळ्याच अचानक एक ट्विस्ट येतो.
हा तरुण तेच ट्रॅफिक क्लिअर करत असतो, ज्यात बस असते. आणि ती बस त्याला पकडायची असते. म्हणून युक्ती लावून त्या तरुणाने चक्क तेच ट्रॅफिक क्लिअर केलं. त्याच्या या युक्तीमुळे सगळेच शॉक झाले आणि नेटकऱ्यांनी त्याचं भरभरून कौतुक केलं.
तरुणाचा हा व्हिडीओ @mumbai2maharashtra या इन्स्टाग्राम अकाउंटवरून शेअर करण्यात आला असून या व्हिडीओला भावाचा ट्रॅफिक पोलीस शोध घेतायत! “डायरेक्ट पोस्टिंग देतील म्हणालेत अशी कॅप्शन व्हिडीओला देण्यात आली आहे. व्हिडीओ व्हायरल होताच याला तब्बल ४.६ मिलियन व्ह्युज आले आहेत.
युजर्सच्या प्रतिक्रिया
सोशल मीडियावर व्हिडीओ व्हायरल होताच अनेकांनी यावर मजेशीर प्रतिक्रिया दिल्या आहेत. एका युजरने कमेंट करत लिहिल, “हा भाऊ शंभर टक्के पुढे जाऊन राजकारणी होणार” तर दुसऱ्याने “त्याने स्वतःची बस काढायला पूर्ण ट्राफिक थांबवलं” अशी कमेंट केली. तर एकजण कमेंट करत म्हणाला, “अस टॅलेंट फक्त भारतात पाहायला मिळेल”
